ஃபோக்ஸ்வேகன் அமியோ கார் விலை பட்டியல்

மேக் இன் இந்தியா திட்டத்தின் கீழ் தயாரிக்கப்பட்டுள்ள ஃபோக்ஸ்வேகன் அமியோ காரின் விலை பட்டியல் வெளியாகியுள்ளது. அமியோ கார் விலை ரூ. 5.24 லட்சத்தில் தொடங்குகின்றது. வருகின்ற ஜூலை முதல் அமியோ கார் டெலிவிரி தொடங்கும்.  முதற்கட்டமாக பெட்ரோல் மாடல் கிடைக்கும்.

volkswagen-ameo ஃபோக்ஸ்வேகன் அமியோ கார் விலை பட்டியல்

ரூ.720 கோடி முதலீட்டில் உருவாக்கப்பட்டுள்ள அமியோ காரில் மிக சிறப்பான பல வசதிகளுடன் காம்பேக்ட் ரக செடான் கார்களுக்கு மிக கடுமையான சவாலினை ஏற்படுத்தும் மாடலாக வெளிவந்துள்ளது.

காம்பேக்ட் ரக செடான் பிரிவில் விற்பனையில் உள்ள ஃபிகோ ஆஸ்பயர் , மாருதி டிசையர் , டாடா ஸெஸ்ட் , ஹூண்டாய் எக்ஸ்சென்ட் , ஹோண்டா அமேஸ் போன்ற கார்களுக்கு கடும் சவாலினை ஏற்படுத்த வல்ல மாடலாக அமியோ அமையும் என எதிர்பார்க்கப்படுகின்றது.

1.2 லிட்டர் பெட்ரோல் மற்றும் 1.5 லிட்டர் டீசல் என இரு என்ஜின்களை பெற்றிருக்கும். 74 hp ஆற்றலை வெளிப்படுத்தும் 1.2 லிட்டர் பெட்ரோல் என்ஜின் மற்றும் 112 hp ஆற்றலை வெளிப்படுத்தும் 1.5 லிட்டர் டீசல் என்ஜின் பயன்படுத்தப்பட்டுள்ளது. 5 வேக மெனுவல் தவிர 7 வேக டிசிடி கியர்பாக்ஸ் பெற்றிருக்கும்.

ameo-features ஃபோக்ஸ்வேகன் அமியோ கார் விலை பட்டியல்

முதன்முறையாக பல புதிய வசதிகளை காம்பேக்ட் ரக செடான் செக்மென்ட்டில்  தானியங்கி மழை சென்ஸார் , க்ரூஸ் கன்ட்ரோல் , ஆன்டி பிஞ்ச் பவர் வின்டோஸ் , ரிமோட் கன்ட்ரோல் மூலம் திறக்கும் கதவுகள் , போன்றவற்றுடன் தொடுதிரை இன்ஃபோடெயின்மென்ட் சிஸ்டம் , ஏபிஎஸ் அனைத்து வேரியண்டிலும் , முன்பக்க இரட்டை காற்றுப்பைகள் அனைத்து வேரியண்டிலும் சேர்க்கப்பட்டுள்ளது.

முதற்கட்டமாக பெட்ரோல் மாடல் மட்டுமே விற்பனைக்கு அறிமுகம் செய்யப்பட்டுள்ளது. டீசல் என்ஜின் மேம்படுத்தி வருவதனால் காலதாமதமாக விற்பனைக்கு வரவுள்ளது

ஃபோக்ஸ்வேகன் அமியோ பெட்ரோல் மாடல் விலை பட்டியல்

1.2 லிட்டர் டிரென்ட் லைன் –  ரூ. 5.24,300

1.2 லிட்டர் கம்ஃபோர்ட் லைன் – ரூ. 5,99,950

1.2 லிட்டர் ஹைலைன் – ரூ. 7.05 , 900

( எக்ஸ்ஷோரூம் டெல்லி )

 

loading...
0 Shares
Share
Tweet
+1
Pin