எம்வி அகுஸ்டா புரூடேல் 1090 இந்தியா வந்தது

எம்வி அகுஸ்டா சூப்பர் பைக் நிறவனம் கைனெடிக் குழுமத்துடன் இணைந்து எம்வி அகுஸ்டா புரூடேல் 1090 சூப்பர் பைக்கினை ரூ.17.99 லட்சம் விலையில் விற்பனைக்கு அறிமுகம் செய்துள்ளது. மேலும் எம்வி அகுஸ்டா F3 800 மாடலை அறிமுகம் செய்துள்ளது.

எம்வி அகுஸ்டா புரூடேல் 1090

இத்தாலியை சேர்ந்த MV அகுஸ்டா S.P.A நிறுவனம் இந்தியாவின் கைனெடிக் குழுமத்துடன் இணைந்து இந்தியாவில் சூப்பர் பைக்குகள் விற்பனையை தொடங்கியுள்ளது. இந்தியாவில் , விற்பனை, சர்வீஸ் உதிரிபாகங்கள் மற்றும் டீலர்களை கைனெடிக் நிர்வகிக்கும்.

எம்வி அகுஸ்டா புரூடேல் 1090 பைக்கில் 144ஹெச்பி ஆற்றலை வெளிப்படுத்தும் 1078சிசி 4 சிலிண்டர் என்ஜின் பயன்படுத்தப்பட்டுள்ளது. இதன் டார்க் 112என்எம் ஆகும். இதில் 6வேக கியர்பாக்ஸ் பொருத்தப்பட்டுள்ளது.

எம்வி அகுஸ்டா புரூடேல் 1090 பைக்கில் 8 விதமான டிராக்‌ஷன் கட்டுப்பாடு , ஏபிஎஸ் போன்றவற்றை பெற்றுள்ளது. எம்வி அகுஸ்டா புரூடேல் 1090 பைக்கின் உச்சகட்ட வேகம் மணிக்கு 265கிமீ ஆகும்.

எம்வி அகுஸ்டா புரூடேல் 1090 பைக் விலை ரூ.17.99 லட்சம் (எக்ஸ்ஷோரூம் புனே)

எம்வி அகுஸ்டா புரூடேல் 1090

எம்வி அகுஸ்டா F3 800

உலகின் மிக சிறந்த வடிவத்தினை பெற்ற சூப்பர் பைக்குகளில் தனியான இடத்தினை பிடித்துள்ள எம்வி அகுஸ்டா எஃப்3 800 பைக் அறிமுகம் செய்யப்பட்டுள்ளது. 
ஒற்றை முகப்பு விளக்குகள் , மூன்று புகைப்போக்கிகள் , போன்றவற்றை பெற்றுள்ள F3 800 பைக்கில் 148ஹெச்பி ஆற்றலை வெளிப்படுத்தும் 798சிசி 3 சிலிண்டர் என்ஜின் பொருத்தப்பட்டுள்ளது. இதன் டார்க் 88என்எம் ஆகும்.

எம்வி அகுஸ்டா எஃப்3 800 பைக்கிலும் 8 விதமான டிராக்‌ஷன் கட்டுப்பாடு , ஏபிஎஸ் போன்றவற்றை நிரந்தர அம்சமாக பெற்றுள்ளது. எம்வி அகுஸ்டா F3 800 பைக்கின் உச்சகட்ட வேகம் மணிக்கு 269கிமீ ஆகும்.

இந்த வருடத்தின் இறுதியிலோ அல்லது அடுத்த வருடத்தின் தொடக்கத்திலோ  எம்வி அகுஸ்டா F3 800 ரூ.21 லட்சம் விலையில் விற்பனைக்கு வரலாம்.

எம்வி அகுஸ்டா F3 800

” மோட்டார் ராயல் ” என்ற பெயரில் நாட்டின் முக்கிய மெட்ரோ நகரங்களில் கைனெடிக் டீலர்களை அமைக்க உள்ளது. முதற்கட்டமாக முழுதும் கட்டமைக்கப்பட்ட மாடலாக இறக்குமதி செய்யப்பட உள்ளது. மேலும் பல சூப்பர் பைக்குகளை எம்வி அகுஸ்டா இந்தியா கொண்டு வரவுள்ளது.

எம்வி அகஸ்டா F4 பைக் விலை ரூ.25.50 லட்சம்