டட்சன் ரெடி-கோ ஸ்போர்ட் விற்பனைக்கு வந்தது

சமீபத்தில் விற்பனைக்கு வந்த டட்சன் ரெடி கோ காரின் சிறப்பு பதிப்பாக பண்டிகை காலத்தை ஒட்டி டட்சன் ரெடி-கோ ஸ்போர்ட் எடிசன் மாடல் ரூ.3.49 லட்சத்தில் விற்பனைக்கு அறிமுகம் செய்யப்பட்டுள்ளது.

limited-edition-datsun-redi-go-sport

ரெடி கோ ஸ்போர்ட் காரில் கூடுதலான வசதிகள் மற்றும் தோற்றத்தில் பாடி கிட்கள் போன்றவற்றை பெற்று இன்ஜின் ஆப்ஷனில் எவ்விதமான மாற்றங்களும் இல்லாமல் வந்துள்ளது. டாப் வேரியன்டான எஸ் வேரியன்டில் அறிமுகம் செய்யப்பட்டுள்ள ரெடி-கோ ஸ்போர்ட் தோற்றத்தில் ரேசிங் ஸ்டிரைப் கொண்ட ஸ்டிக்கர் , கூறையில் பொருத்தப்பட்ட ரியர் ஸ்பாய்லர் , சிவப்பு அசென்ட் கொண்ட கிரில் ,கன்மெட்டல் பினிஷ் கொண்ட கிரில் மற்றும் கருப்பு நிற பூச்சு கொண்ட வீல் கவர் பெற்றுள்ளது. ரெடி-கோ ஸ்போர்ட் சிவப்பு , வெள்ளை மற்றும் கிரே ஆகிய வண்ணங்களில் கிடைக்கும்.

datsun-redi-go-sport-black-interior

இன்டிரியரில் கருப்பு வண்ண தோற்றத்துடன் கலந்த சிவப்பு நிற ஸ்டிச்சிங் மற்றும் சிவப்பு நிற அசென்ட்ஸ் பெற்று விளங்குகின்றது. மேலும் ரிமோட் கீலெஸ் என்ட்ரி , பூளூடூத் போன் தொடர்பு , எல்இடி பகல் நேர ரன்னிங் விளக்குள் , ரியர் பார்க்கிங் சென்சார் மற்றும் ஒட்டுநருக்கான காற்றுப்பை பெற்றுள்ளது.

54 hp ஆற்றலை வெளிப்படுத்தும் 799 சிசி பெட்ரோல் இன்ஜின் பொருத்தப்பட்டுள்ளது . இதன் டார்க் 74 Nm ஆகும். இதில் 5 வேக கியர்பாக்ஸ் இடம் பெற்றுள்ளது.

டட்சன் ரெடி-கோ ஸ்போர்ட் எடிசன் மாடல் ரூ.3.49 லட்சம் (எக்ஸ்ஷோரூம் டெல்லி)

datsun-redi-go-sport-rear

 

Comments

loading...