புதிய மினி கன்ட்ரிமேன் விற்பனைக்கு வந்தது

மினி கன்ட்ரிமேன் காரின் மேம்படுத்தப்பட்ட மாடல் ரூ.36.50 லட்சத்தில் விற்பனைக்கு வந்துள்ளது. புதிய மினி கன்ட்ரிமேன் காரின் தோற்றம் மற்றும் உட்புறத்திலும் சில மாற்றங்களை பெற்றுள்ளது.

mini-countryman புதிய மினி கன்ட்ரிமேன் விற்பனைக்கு வந்தது

பிஎம்டபிள்யூ மினி பிராண்டின் கார்களின் சென்னை உற்பத்தி தற்காலிகமாக நிறுத்தப்பட்டுள்ளதால் மினி கார் மாடல்களின் விலை முழுதும் கட்டமைக்கப்பட்ட மாடலின் விலையாக அதிகரிக்கப்பட்டுள்ளது.

தோற்றம் 

ஸ்போர்ட்டிவ் தோற்றத்தை வெளிப்படுத்தும் வகையில் இரண்டு குரோம் பட்டைகள் கிரிலில் , பம்பர்கள் , ஸ்கர்ட் , ஸ்கிட் பிளேட் போன்றவை புதுப்பிக்கப்பட்டுள்ளன.

மேலும் புதிய 17 இஞ்ச் ஆலாய் வீல் நிரந்தர அம்சமாக இணைக்கப்பட்டுள்ளது. எல்இடி பகல் நேர விளக்குகள் , பனி விளக்குகளை ஆப்ஷனலாக பெற இயலும்.

உட்புறம்

மினி கன்ட்ரிமேன் காரின் உட்புறத்தில் ஸ்போர்ட்டிவ் எண்ணத்தை தரும் வகையில் லெதர் இருக்கை , ஸ்போர்ட்டிவ் ஸ்டீரிங் வீல் , டேஸ்போர்டு வண்ணங்கள் மற்றும் கேபினில் புதிய நிறங்கள் சேர்க்கப்பட்டுள்ளன. 10 ஸ்பீக்கர்களை கொண்ட ரேடியோ மினி பூஸ்ட் சிடி  மியூசிக் சிஸ்டம் உள்ளது.

என்ஜின்

110பிஎச்பி ஆற்றலை வெளிப்படுத்தக்கூடிய 4 சிலிண்டர் கொண்ட 2.0 லிட்டர் டீசல் என்ஜின் பொருத்தப்பட்டுள்ளது.  இதன் முறுக்கு விசை 270 என்எம் ஆகும்.  6 வேக தானியங்கி பரப்புகை பயன்படுத்தியுள்ளனர்.

0 முதல் 100 கீம் வேகத்தை எட்ட 11.3 விநாடிகள் எடுத்துக்கொள்ளும். மினி கன்ட்ரிமேன் காரின் உச்சகட்ட வேகம் மணிக்கு 185கிமீ ஆகும்.

பாதுகாப்பு வசதிகள்

மினி கன்ட்ரிமேன் காரில் 6 காற்றுப்பைகள் , ஏபிஎஸ் , பிரேக் உதவி , டைனமிக நிலைப்பு தன்மை , டிராக்‌ஷன் கட்டுப்பாடு மற்றும் ரன் ஃபிளாட் இன்டிகேட்டர் உள்ளது.

புதிய மினி  கார்களின் விலை விபரம் (ex-showroom Delhi)

மினி கூப்பர்  D 3 Door : ரூ.28,50,000
மினி கூப்பர்  D 5 Door : ரூ.31,90,000
மினி கூப்பர்  S 3 Door : ரூ.31,50,000

மினி கூப்பர்  Convertible : ரூ.33,90,000

மினி கூப்பர்  D Countryman : ரூ.36,50,000

New Mini Countryman launched in India

loading...
0 Shares
Share
Tweet
+1
Pin