லம்போர்கினி அவென்டேடார் S வருகை விபரம்

இந்தியாவில் லம்போர்கினி அவென்டேடார் S ஸ்போர்ட்ஸ் கார் மார்ச் 3ந் தேதி விற்பனைக்கு வெளியிடப்பட உள்ளது. முந்தைய அவென்டேடார் மாடலை விட கூடுதலான பவர் மற்றும் சிறப்பான ஏரோடைனமிக்ஸ் பெற்றதாக அவென்டேடார் S விளங்குகின்றது.

லம்போர்கினி அவென்டேடார் S

சமீபத்தில் சர்வதேச அளவில் விற்பனைக்கு வெளியிடப்பட்ட  அவென்டேடார் எஸ் இந்தியாவிலும் விற்பனைக்கு அறிமுகம் செய்யப்பட உள்ளது. முந்தைய லம்போர்கினி கார்களின் வரிசை போன்று LP வார்த்தையை பெறாமல் எஸ் என்ற வார்த்தை மட்டுமே சேர்க்கப்பட்டுள்ளது.

ads

முந்தைய எஞ்சினை லம்போர்கினி அவென்டேடார் எஸ் பெற்றிருந்தாலும் 40 ஹெச்பி கூடுதலான பவரை வெளிப்படுத்தும் வகையில் மேம்படுத்தப்பட்டுள்ள 6.5 லிட்டர் வி12 எஞ்சின் பொருத்தப்பட்டு 740 ஹெச்பி பவர் , 690 நியூட்டன் மீட்டர் டார்க் வெளிப்படுத்தும். இதில் 7 வேக ஆட்டோ கியர்பாக்ஸ் பயன்படுத்தப்பட்டு ஆல் வீல் டிரைவ் ஆப்ஷனை பெற்று விளங்குகின்றது.

0 முதல் 100 கிமீ வேகத்தை வெறும் 2.9 விநாடிகளில் எட்டிவிடும். அவென்டேடார் எஸ் அதிகபட்ச வேகம் மணிக்கு 350 கிலோ மீட்டர் ஆகும். முந்தைய ஸ்டெரடா ,ஸ்போர்ட் , கோர்ஸா மோட் டிரைவ்களுடன் கூடுதலாக இகோ மோட் சேர்க்கப்பட்டுள்ளது.

விலை மற்றும் பல்வேறு சிறப்பு வசதிகள் குறித்தான தகவல்கள் வருகின்ற மார்ச் 3 , 2017 அன்று வெளியாகும்.

2017 லம்போர்கினி அவென்டேடார் எஸ் படங்கள்

Comments