2016 ஆடி R8 V10 ப்ளஸ் விற்பனைக்கு வந்தது

மேம்படுத்தப்பட்ட இரண்டாம் தலைமுறை ஆடி R8  V10 ப்ளஸ் சொகுசு கார் ரூ.2.55 கோடி விலையில் விற்பனைக்கு அறிமுகம் செய்யப்பட்டுள்ளது.  2016 டெல்லி ஆட்டோ எக்ஸ்போவில் 2016 ஆடி R8 V10 ப்ளஸ் கார் பார்வைக்கு அறிமுகம் செய்யப்பட்டிருந்தது.

Audi-R8-V10-Plus-car

முந்தைய மாடலை விட மிக ஸ்டைலிசான தோற்ற அமைப்பினை கொண்டுள்ள இன்டிரியரில் ஸ்போர்ட்டிவ் டேஸ்போர்ட் , சென்ட்ரல் கன்சோல் , கியர் நாப் , பல வசதிகளை கொண்ட ஸ்டீயரிங் வீல் , ஏசி வென்டுகள் என பல இடங்களில் சிறிய அளவிலான மாற்றங்களுடன் சிறப்பான மேம்படுத்தப்பட்ட அழகான உட்புற அமைப்பினை கொண்டுள்ளது.

Ads

வெளிதோற்றத்தில் வளைவான தோற்றத்துக்கு பதிலாக நேர்த்தியான கூர்மையான தோற்ற அமைப்புக்கு மாறியுள்ளது. 610 hp ஆற்றலை வெளிப்படுத்தும் மிகுந்த சக்திவாய்ந்த 5.2 லிட்டர் வி10 என்ஜின் பொருத்தப்பட்டுள்ளது. இந்த என்ஜினில் சிலிண்டர் டிமான்ட் சிஸ்டத்தினை பெற்றுள்ளது.  இதில் 7 வேக எஸ் ட்ரானிக் கியர்பாக்சினை பெற்றுள்ளது. முந்தைய மாடலை விட 10 % கூடுதல் எரிபொருள் சிக்கனத்தினை வெளிப்படுத்துகின்றது.

Audi-R8-V10-Plus-interior

போர்ஷே 911 , மெர்சிடிஸ் ஏஎம்ஜி ஜிடி போன்ற மாடல்களுடன் நேரடியான போட்டியை சந்திக்கும் ஆடி ஆர்8 வி10 ப்ளஸ் காரின் விலை ரூ.2.55 கோடி (எக்ஸ்ஷோரும் மும்பை ) ஆகும்.

Audi-R8-V10-Plus

Audi-R8-V10-Plus-side

 

Comments