2016 ஹூண்டாய் எலன்ட்ரா ஆகஸ்ட் 23 முதல்

வருகின்ற ஆகஸ்ட் 23 ,2016யில் மேம்படுத்தப்பட்ட 2016 ஹூண்டாய் எலன்ட்ரா செடான் கார் விற்பனைக்கு வெளியிடப்பட உள்ளது. புதிய பிளாட்ஃபாரத்தில் முற்றிலும் மேம்படுத்தப்பட்ட சிறப்பான அம்சங்களை கொண்ட மாடலாக எலன்ட்ரா விளங்கும்.

2017-hyundai-elantra 2016 ஹூண்டாய் எலன்ட்ரா ஆகஸ்ட் 23 முதல்

ஃபூளூடியக் 2.0 டிசைன் தாத்பரியங்களை அடிப்படையாக கொண்ட 2016 ஹூண்டாய் எலன்ட்ரா காரில் புதிய அறுங்கோண  கிரில் , முன்பக்க பம்பரில்  பகல் நேர எல்இடி ரன்னிங் விளக்குகள் , நேர்த்தியான டைனமிக் பென்டிங் ஹெட்லைட் பெற்றுள்ளது. பக்கவாட்டில் புதிய அலாய் வீல் , பின்புறத்தில் எல்இடி டெயில் விளக்குகள் போன்றவற்றை பெற்று நேர்த்தியாக விளங்குகின்றது.

உட்புறத்தில் முந்தைய தலைமுறை மாடலை விட முற்றிலும் மேம்படுத்தப்பட்ட அம்சங்களுடன் பிரிமியம் தோற்ற அமைப்பில் பல நவீன வசதிகளுடன் 7 இன்ச் தொடுதிரை இன்ஃபோடெயின்மென்ட் அமைப்பில் ஆண்ட்ராய்டு ஆட்டோ , ஆப்பிள் கார் பிளே , கார் நேவிகேஷன் யூஎஸ்பி ,பூளூடூத் ,பல வசதிகளை கட்டுப்படுத்த ஸ்டீயரிங் வீலில் பொத்தான்கள் , க்ரூஸ் கன்ட்ரோல் என பல வசதிகளை பெற்றிருக்கும்.

2017-Hyundai-Elantra-Interior-e1470831254804-1024x599 2016 ஹூண்டாய் எலன்ட்ரா ஆகஸ்ட் 23 முதல்

மேம்படுத்தப்பட்ட 1.6 லிட்டர் பெட்ரோல் மற்றும் டீசல் இஞ்ஜின் ஆப்ஷனுடன் கூடுதலாக புதிய 147 hp ஆற்றலை வெளிப்படுத்தும் 2.0 லிட்டர் பெட்ரோல் என்ஜின்பொருத்தப்பட்டிருக்கும். 6 வேக மெனுவல் மற்றும் 6 வேக ஆட்டோ பாக்ஸ் இணைக்கப்பட்டிருக்கும்.

செவர்லே க்ரூஸ் , கரோல்லா அல்டிஸ் , ஸ்கோடா ஆக்டாவியா மற்றும் ரெனோ ஃபுளூயின்ஸ் போன்ற மாடல்களுக்கு நேரடியான போட்டியாளராக 2016 ஹூண்டாய் எலன்ட்ரா ரூ.15 லட்சம் முதல் ரூ.20 லட்சத்தில் அமையலாம். ஹூண்டாய் டீலர்கள் வாயிலாக ரூ.25,000 செலுத்தி முன்பதிவு செய்துகொள்ளலாம்.

loading...
0 Shares
Share
Tweet
+1
Pin