2017 நிசான் சன்னி விற்பனைக்கு வந்தது

புதிய 2017 நிசான் சன்னி செடான் கார் ரூ.7.91 லட்சம் விலையில் விற்பனைக்கு வெளியாகி உள்ளது. புதிய சன்னி காரில் பல்வேறு விதமான கூடுதல் வசதிகளுடன் புதிதாக பிரவுன் வண்ணத்தில் அறிமுகம் செய்யப்பட்டுள்ளது.

நிசான் சன்னி கார்

மேம்படுத்தப்பட்ட 2017 சன்னி காரில் புதிதாக ஸ்டேன்டுஸ்டோன் பிரவுன் வண்ணத்துடன் இன்டிரியரில் கருப்பு வண்ண தீம் சேர்க்கப்பட்டு ஃபேபரிக் இருக்கைகள் , க்ரோம் பூச்சு கொண்ட ஹேண்டில்கள் போன்றவற்றை பெற்றுள்ளது.

ads

என்ஜின் ஆற்றல் மற்றும் பவரில் எந்த மாற்றங்களும் இல்லாமல் முந்தைய 99 குதிரைசக்தி ஆற்றலை வெளிப்படுத்தும் 1.5 லிட்டர் பெட்ரோல் எஞ்சின் மற்றும் 82 குதிரைசக்தி ஆற்றலை வெளிப்படுத்தும் 1.5 லிட்டர் டீசல் எஞ்சின் பொருத்தப்பட்டுள்ளது. இரு எஞ்சின்களிலும் 5 வேக மேனுவல் கியர்பாக்ஸ் மற்றும் 101 குதிரைசக்தி ஆற்றலை வெளிப்படுத்தும் 1.5 லிட்டர் பெட்ரோல் மாடலில் எக்ஸ்ட்ரானிக் சிவிடி (XTRONIC CVT) இடம்பெற்றுள்ளது.

அனைத்து சன்னி வேரியன்ட்களிலும் ஏபிஎஸ் மற்றும் ஓட்டுநர் காற்றுப்பை நிரந்தர அம்சமாக இணைக்கப்பட்டுள்ளது. வரவுள்ள புதிய ஹோண்டா சிட்டி மாடலுக்கு ஈடுகொடுக்கும் வகையில் சரிந்துள்ள விற்பனையை அதிகரிக்கும் நோக்கிலும் புதிய சன்னி விற்பனைக்கு வந்துள்ளது.

புதிய நிசான் சன்னி கார் ஆரம்ப விலை ரூ. 7.91 லட்சம் (எக்ஸ்-ஷோரூம் டெல்லி)

Comments