ஜீப் கிராண்ட் செரோக்கீ SRT அறிமுகம் – ஆட்டோ எக்ஸ்போ 2016

இந்திய சந்தையில் ஜீப் பிராண்டு விற்பனைக்கு வருவது உறுதியாகியுள்ள நிலையில் ஜீப் கிராண்ட் செரோக்கீ SRT பெர்ஃபாமென்ஸ் எஸ்யூவி கார் டெல்லி ஆட்டோ எக்ஸ்போ 2016 கண்காட்சியில் பார்வைக்கு அறிமுகம் செய்யப்பட்டுள்ளது.

jeep-grand-cherokee-SRT

கிராண்ட் செரோக்கீ எஸ்யூவி மாடலின் பெர்ஃபாமென்ஸ் ரக மாடலாக விளங்கும் கிராண்ட் செரோக்கீ எஸ்ஆர்டி மாடலில் 461 bhp ஆற்றலை வழங்கும் 6.4 லிட்டர் வி8 பெட்ரோல் என்ஜின் பயன்படுத்தப்பட்டுள்ளது. இதன் டார்க் 624Nm ஆகும். இதில் 4 வீல்களுக்கும் ஆற்றலை எடுத்து செல்லும் குவாட்ரா ட்ராக் ஏக்டிவ் ஆல் வீல் டிரைவ் சிஸ்டம் உள்ளது. இதில் 8 வேக ஆட்டோமேட்டிக் கியர்பாக்ஸ் பெற்றுள்ளது.  இந்த என்ஜினில் ஈக்கோ மோட் வாயிலாக சிறப்பான எரிபொருள் சிக்கனத்தினை பெற இயலும்.

ads

0 முதல் 100 கிமீ வேகத்தினை 5 விநாடிகளில் எட்டும் . கிராண்ட் செரோக்கீ எஸ்ஆர்டி உச்ச வேகம் மணிக்கு 257 கிமீ ஆகும்.

கிராண்ட் செரோக்கீ மாடலில் வித்தியாசப்படுத்தும் வகையில் தோற்ற மாற்றங்களை பெற்றுள்ள எஸ்ஆர்டி மாடல் மிகவும் ஸ்டைலான கம்பீரத்தினை பெற்றுள்ளது. முகப்பில் பை-ஸெனான் அடாப்டிவ் முகப்பு விளக்குகள் , எல்இடி பகல் நேர ரன்னிங் விளக்குகள் , 20 இஞ்ச் க்ரோம் அலாய் வீல் இரு ஆப்ஷன்களில் , மிக அகலமாக 7.4 இஞ்ச் இன்ஸ்டூருமெண்ட் கன்சோல் , 8.4 இஞ்ச் தொடுதிரை இன்ஃபோடெயின்மெண்ட் சிஸ்டம் , ஸ்போர்ட்டிவ் நாப்பா லெதர் இருக்கைகள் போன்றவற்றுடன் பல நவீன அம்சங்களை பெற்றுள்ளது.

இந்த வருடத்தின் மத்தியில் கிராண்ட் செரோக்கீ SRT இந்திய சந்தையில் விற்பனைக்கு வருகின்றது. இது தவிர கிராண்ட் செரோக்கீ , ரேங்கலர் எஸ்யூவி போன்றவை இந்த வருடத்தில் விற்பனைக்கு வரும்.

Comments