வரும் நாட்களில் பஜாஜ் ஆட்டோ நிறுவனம் குறைந்த விலை சேட்டக் எலக்ட்ரிக் ஸ்கூட்டரை விற்பனைக்கு வெளியிட தயாராகி வருகின்றது. ஏற்கனவே சந்தையில் கிடைக்கின்ற
சேட்டக் மாடல் ரூபாய் 1 லட்சத்து 32 ஆயிரம் முதல் துவங்குகின்ற நிலையில் அந்த மாடலை விட சற்று குறைவாக ஒரு லட்சம் ரூபாய் அல்லது ரூ.1.10 லட்சம் விலைக்குள் எதிர்பார்க்கப்படுகின்றது.
புதிய மாடல் இந்திய சந்தையில் கிடைக்கின்ற ஓலா S1X உட்பட குறைந்த விலையில் கிடைக்கின்ற பல்வேறு எலக்ட்ரிக் ஸ்கூட்டர்களை எதிர்கொள்ளவும் அதிகப்படியான விற்பனை எண்ணிக்கையை பஜாஜ் ஆட்டோ பதிவு செய்ய முக்கிய பங்காற்றும் என எதிர்பார்க்கலாம்.
பஜாஜ் ஆட்டோ நிறுவனம் படிப்படியாக டீலர்களின் எண்ணிக்கையை உயர்த்தி வருகின்ற நிலையில் விற்பனையும் சராசரியாக உயர்ந்து வருகின்றது இந்த நிலையில் கூடுதலாக வரவுள்ள மாடலானது மிகவும் சவாலான விலையில் எதிர்பார்க்கப்படுவதனால் மேலும் விற்பனை எண்ணிக்கை அதிகரிக்கும்.
ஏற்கனவே சந்தையில் 2024 சேட்டக் மாடல் ஆனது விற்பனைக்கு கிடைத்து வருகின்ற நிலையில் புதிய மாடல் மிகவும் சவாலான விலையில் அதே நேரத்தில் குறைந்த பேட்டரி மற்றும் குறைந்த ரேஞ்ச் வெளிப்படுத்தக் கூடியதாக இருக்கலாம் எதிர்பார்க்கப்படுகின்றது.
ஆனால் அதனுடைய ரேஞ்ச் விபரங்கள் நுட்பம் சார்ந்த எந்த ஒரு தகவலையும் தற்பொழுது இந்த நிறுவனம் பகிர்ந்து கொள்ளவில்லை மே மாதம் இறுதிக்குள் இந்த மாடலானது சந்தைக்கு கிடைக்க துவங்கும் என எதிர்பார்க்கப்படுகின்றது.
