பாபர் ரக ஸ்டைல் பெற்ற மோட்டார்சைக்கிள் மாடலான ராயல் என்ஃபீல்டு ஷாட்கன் 650 பைக் விற்பனைக்கு ரூ.3.59 லட்சத்தில் வெளியிடப்பட்ட நிலையில் தமிழ்நாட்டின் ஆன் ரோடு விலை மற்றும் முக்கிய அம்சங்களை பெற்றிருக்கின்றது.
ஷாட்கன் 650 மாடலில் ஸ்டென்சில் வெள்ளை, பிளாஸ்மா நீலம், பச்சை டிரில் மற்றும் ஷீட்மெட்டல் கிரே என நான்கு நிறங்களை பெற்றதாக விற்பனைக்கு கிடைக்கின்றது. இந்த பைக்கிற்கு போட்டியாளர்கள் இல்லை என்றாலும் சூப்பர் மீட்டியோர் 650க்கு சவாலாக அமைந்துள்ளது.
Royal Enfield Shotgun 650 on road price
ஏற்கனவே சந்தையில் உள்ள என்ஃபீல்டு 650சிசி மாடல்களில் இடம்பெற்றுள்ள என்ஜினை பகிர்ந்து கொள்ளும் ஷாட்கன் 650 பைக் மாடலில் தொடர்ந்து எந்த மாற்றமும் இல்லாமல் 648cc பேரல் ட்வின் எஞ்சின் அதிகபட்சமாக 47 hp பவரை 7100 RPM-ல் வழங்குவதுடன், 4000 RPMல் அதிகப்படியான 52 Nm டார்க்கினை வழங்குகின்றது. இதில் 6 வேக கியர்பாக்ஸ் உடன் சிலிப் அசிஸ்ட் கிளட்ச் இணைக்கப்பட்டுள்ளது. இந்த 650 பைக்கின் மைலேஜ் லிட்டருக்கு 22-30 கிமீ வரை கிடைக்கலாம்.
மிக நேர்த்தியான நிறங்களுடன் கூடிய பாடி கிராபிக்ஸ் பெற்ற மாடலில் 100/90-18 M/C 56H டயருடன் 18 அங்குல வீல் முன்புறத்தில் மற்றும் பின்புறத்தில் 150/70-17 M/C 69H டயருடன் 17 அங்குல வீல் கொண்டுள்ளது. 43 மிமீ முன்புற ஷோவா பிஸ்டன் ஃபோர்க் மற்றும் வழக்கமான ட்வின் ஷாக் அப்சார்பர் உள்ளது.
முன்பக்கம் 320mm டிஸ்க் மற்றும் ஒற்றை இரண்டு பிஸ்டன் ஃபுளோட்டிங் பைபெர் பிரேக் காலிபர் பின்புறத்தில் 300mm டிஸ்க் உடன் டூயல் சேனல் ஏபிஎஸ் கொண்டுள்ளது. செமி டிஜி அனலாக் கிளஸ்ட்டர் பெற்றதாகவும் கூடுதலாக டிரிப்பர் நேவிகேஷன் பெற்று ப்ளூடூத் கனெக்ட்டிவிட்டி வசதியை ராயல் என்ஃபீல்டு செயலி மூலம் பெறலாம்.
ரூ.3.59 லட்சம் முதல் ரூ.3.74 லட்சம் வரை ஷாட்கன் 650 எக்ஸ்-ஷோரூம் சென்னை விலை அமைந்துள்ளது.
RE Shotgun 650 Sheetmetal Grey – ₹ 4,26,432
RE Shotgun 650 Plasma Blue – ₹ 4,38,543
RE Shotgun 650 Stencil White, Drill Green – ₹ 4,42,510
(ON Road price in Tamil Nadu)
