இந்தியாவில் சுசூகி மோட்டார் சைக்கிள் நிறுவனம் சிறப்பு எடிசன் ஹயபுஸா மாடலான 25வது ஆண்டு விழா பதிப்பை ரூ.17.70 லட்சம் விலையில் வெளியிட்டு இருக்கின்றது. சர்வதேச அளவில் சில மாதங்களுக்கு முன்பாகவே இந்த மாடல் கிடைக்க துவங்கிய நிலையில் தற்போது இந்திய சந்தையில் வெளியிடப்பட்டுள்ளது
மிக நேர்த்தியான ஸ்டைலிங் மாற்றங்களை மட்டும் கொண்டுள்ள இந்த மாடலானது சாதாரண வேரியன்டை விட ரூபாய் 80 ஆயிரம் வரை கூடுதலான விலையில் அறிமுகம் செய்யப்பட்டுள்ளது.
சிறப்பு ஆரஞ்சு மற்றும் கருப்பு நிறம் என இரண்டு வண்ண கலவையைக் கொண்டிருக்கின்றது. கோல்ட் பினிஷ் செய்யப்பட்ட டிரைவ் செயின் அட்ஜஸ்ட்டர் டிஸ்க் பிரேக் கொண்டு இருக்கின்றன. 25 வது ஆண்டு விழா எடிசனின் பேட்ஜ் , சிங்கிள் சீட் ஆனது கொடுக்கப்பட்டிருக்கின்றது.
ஹயபுஸா 25வது ஆண்டு விழா மாடலில் 1,340cc, இன் லைன் நான்கு சிலிண்டர் லிக்யூடு கூல்டு DOHC இன்ஜின் 190hp மற்றும் 150Nm டார்க்கை வெளிப்படுத்தும். இதில் 6-ஸ்பீடு டிரான்ஸ்மிஷனுடன் பை டைரக்ஷனல் க்விக் ஷிஃப்டருடன் இணைக்கப்பட்டுள்ளது.
இந்திய சந்தையில் ரூ.16.90 லட்சத்தில் சுசூகி ஹயபுஸா பைக் விற்பனை செய்யப்பட்டு வருகின்றது.
