புதிய செடான் கார்கள்

இந்திய சந்தையில் 2017ல் விற்பனைக்கு வரவுள்ள புதிய கார் மாடல்களில் செடான் ரகத்தில் வரவுள்ள புது மாடல்களை செடான் கார்கள் 2017 தொகுப்பில் அறிந்து கொள்ளலாம். ஹேட்ச்பேக் ரகத்தில் கூடுலாக பூட்டினை பெற்ற மாடல்களை செடான் அல்லது சலூன் கார்கள் என குறிப்பிடுவர்.

1. செவர்லே எசென்சியா

செவர்லே நிறுவனம் இந்தியாவில் இந்த வருடத்தில் 2 புதிய மாடல்கள் மற்றும் 2 மேம்படுத்தப்பட்ட மாடல்களை விற்பனைக்கு அறிமுகம் செய்ய உள்ள மாடல்களில் எசென்சியா செடானும் அடக்கம். 2016 டெல்லி ஆட்டோ எக்ஸ்போ அரங்கில் முதன்முறையாக காட்சிக்கு வந்த எசென்சியா மாடலில் 1.0 லிட்டர் பெட்ரோல் மற்றும் டீசல் என்ஜினை பெற்ற மேக் இன் இந்தியா மாடலாகும்.

வருகை – மார்ச் 2017
விலை – ரூ. 5.50 லட்சம் ஆரம்பம்
என்ஜின் – 1.0 லிட்டர் டீசல் மற்றும் 1.0 லிட்டர் பெட்ரோல்
கியர்பாக்ஸ் – 5 வேக மேனுவல்
போட்டியாளர்கள் – எமியோ , டிசையர் , எக்ஸ்சென்ட் , கைட் 5 , அமேஸ், எட்டியோஸ்

2. டாடா கைட் 5

மாபெரும் வெற்றி பெற்ற டியாகோ காரை அடிப்படையாக கொண்ட கைட் 5 செடான் கார் உற்பத்தி நிலையை எட்டியுள்ள நிலையில் வருகின்ற பிப்ரவரி மாதம் விற்பனைக்கு வரக்கூடும் என எதிர்பார்க்கப்படுகின்றது. இதில் டியாகோ போலவே ரெவோட்ரான் மற்றும் ரெவோடார்க் என்ஜினை பெற்றிருக்கும். ஆனால் போட்டியாளர்களை விட குறைவான விலையில் அமைந்திருக்கும்.

வருகை – மார்ச் 2017
விலை – ரூ. 4.80 லட்சம் ஆரம்பம்
என்ஜின் – 1.0 லிட்டர் டீசல் மற்றும் 1.2 லிட்டர் பெட்ரோல்
கியர்பாக்ஸ் – 5 வேக மேனுவல் மற்றும் ஏஎம்டி
போட்டியாளர்கள் – எமியோ , டிசையர் , எக்ஸ்சென்ட் , எசென்சியா , அமேஸ் , எட்டியோஸ்

3. 2017 மாருதி டிசையர்

வருகின்ற மார்ச் மாத மத்தியில் வெளியாகும் என எதிர்பார்க்கப்படும் ஸ்விஃப்ட் காரின் டிசையர் மாடலில் ஏஎம்டி கியர்பாக்ஸ் மற்றும் மேனுவல் கியர்பாக்ஸ் ஆப்ஷனுடன் வரவுள்ளது. இந்தியாவில் அதிகம் விற்பனையாகின்ற செடான் ரக மாடலாக மாருதி டிசையர் விளங்குகின்றது. புதிய மாருதி ஸ்விஃப்ட் காரை அடிப்படையாக அமைந்திருக்கும்.

வருகை – மார்ச் 2017
விலை – ரூ. 5.70 லட்சம் ஆரம்பம்
என்ஜின் – 1.3 லிட்டர் டீசல் மற்றும் 1.2 லிட்டர் பெட்ரோல்
கியர்பாக்ஸ் – 5 வேக மேனுவல் மற்றும் ஏஎம்டி
போட்டியாளர்கள் – எமியோ , எசென்சியா , எக்ஸ்சென்ட் , கைட் 5 , அமேஸ் , எட்டியோஸ்

4. புதிய ஹோண்டா சிட்டி

சமீபத்தில் தாய்லாந்தில் விற்பனைக்கு செல்ல உள்ள ஹோண்டா சிட்டி காரின் மேம்படுத்தப்பட்ட மாடல் இந்திய சந்தையிலும் விற்பனைக்கு வரவுள்ளது. புதிய மாடலில் எல்இடி பகல் நேர ரன்னிங் விளக்குகள் , தொடுதிரை இன்ஃபோடெயின்மென்ட் சிஸ்டத்தில் ஆண்ட்ராய்டு ஆட்டோ மற்றும் ஆப்பிள் கார் பிளே வசதிகளை பெற்றிருக்கும்.

வருகை – ஜனவரி – பிப்ரவரி 2017
விலை – ரூ. 7.90 லட்சம் ஆரம்பம்
என்ஜின் – 1.5 லிட்டர் டீசல் மற்றும் 1.5 லிட்டர் பெட்ரோல்
கியர்பாக்ஸ் – 5 வேக மேனுவல் மற்றும் சிவிடி
போட்டியாளர்கள் – சியாஸ் , வெர்னா , வயோஸ்

5. டொயோட்டா வயோஸ்

இந்திய சந்தையில் மிகுந்த எதிர்பார்க்கும் மாடல்களில் ஒன்றான டொயோட்டா வயோஸ் காரனது எட்டியோஸ் மற்றும் கரோல்லா அல்டிஸ் காருக்கு இடையில் நிலைநிறுத்தப்பட உள்ளது. வயோஸ் காரில் 1.5 லிட்டர் பெட்ரோல் மற்றும் 1.4 லிட்டர் டீசல் என்ஜினை பெற்றிருக்கும்.

வருகை – ஆகஸ்ட் 2017
விலை – ரூ. 8.50 லட்சம் ஆரம்பம்
என்ஜின் – 1.4 லிட்டர் டீசல் மற்றும் 1.5 லிட்டர் பெட்ரோல்
கியர்பாக்ஸ் – 5 வேக மேனுவல் மற்றும் ஆட்டோமேட்டிக்
போட்டியாளர்கள் – சிட்டி ,சியாஸ் ,வெர்னா , வென்டோ

6. புதிய ஹூண்டாய் வெர்னா

வெர்னா காரின் மேம்படுத்தப்பட்ட மாடல் புதிய ஃபூளூடியக் 2.0 டிசைன் தாத்பரியங்களை அடிப்படையாக கொண்டதாக அமைந்திருக்கும் மேலும் மைல்ட் ஹைபிரிட் ஆப்ஷனை பெற்றிருக்கலாம்.

வருகை – மார்ச் 2017
விலை – ரூ. 8.30 லட்சம் ஆரம்பம்
என்ஜின் – 1.4 லிட்டர் 1.6 லிட்டர் டீசல் மற்றும் 1.4 லிட்டர் , 1.6 லிட்டர் பெட்ரோல்
கியர்பாக்ஸ் – 5 வேக மேனுவல் மற்றும் எம்டி
போட்டியாளர்கள் – சிட்டி , சியாஸ் , வயோஸ் , வென்ட்டோ

7. புதிய செவர்லே க்ரூஸ்

மேம்படுத்தப்பட்ட செவர்லே க்ரூஸ் செடான் மாடல் இந்தியாவில் இந்த ஆண்டின் இறுதியில் விற்பனைக்கு வரவுள்ளது. பல்வேறு விதமான நவீன வசதிகளை பெற்ற மாடலாக வரவுள்ள புதிய க்ரூஸ் காரில் குறிப்பாக 7.0 அங்குல தொடுதிரை இன்ஃபோடெயின்மென்ட் சிஸ்டம் ஆப்பிள் கார் பிளே மற்றும் ஆண்ட்ராய்டு ஆட்டோ போன்றவற்றின் ஆதரவினை கொண்டதாக இருக்கும்.

வருகை – அக்டோபர் 2017
விலை – ரூ. 12.50 லட்சம் ஆரம்பம்
என்ஜின் – 1.4 லிட்டர் டீசல் மற்றும் 1.6 லிட்டர் பெட்ரோல்
கியர்பாக்ஸ் – 6 வேக மேனுவல் மற்றும் ஆட்டோமேட்டிக்
போட்டியாளர்கள் – கரோல்லா அல்டிஸ் , எலன்ட்ரா , ஜெட்டா , ஆக்டாவியா

8. புதிய டொயோட்டா கரோல்லா அல்டிஸ்

150க்கு மேற்பட்ட நாடுகளில் விற்பனை செய்யப்படுகின்ற டொயோட்டா கரோல்லா அல்டிஸ் காரில் தோற்ற மாற்றங்களுடன் விற்பனையில் உள்ள அதே என்ஜின் ஆப்ஷனை கொண்டதாக கிடைக்க உள்ளது. முழு எல்இடி ஹெட்லேம்ப் , 7.0 இன்ச் தொடுதிரை இன்ஃபோடெயின்மென்ட் சிஸ்டம் மேலும் பல வசதிகளை கொண்டதாக இருக்கும்.