மாருதி சுஸூகி எர்டிகா ஃபேஸ்லிஃப்ட் விற்பனைக்கு வந்தது

மாருதி எர்டிகா எம்பிவி காரின் மேம்படுத்தப்பட்ட மாடல் ரூ.5.99 லட்சம் தொடக்க விலையில் விற்பனைக்கு வந்துள்ளது. மாருதி எர்டிகா ஆட்டோமேட்டிக் கியர்பாக்ஸ் ஆப்ஷனில் உள்ளது.

இந்தியாவின் முதல் ஆட்டோமேட்டிக் டிரான்ஸ்மிஷன் பொருத்தப்பட்ட எம்பிவி மாடலாக மாருதி எர்டிகா வந்துள்ளது. மேலும் எர்டிகா டீசல் மாடலில் SHVS ஹைபிரிட் அமைப்பு பொருத்தப்பட்டுள்ளது.

தோற்றம்

புதிய எர்டிகா தோற்றத்தின் முகப்பில் மூன்று குரோம் ஸ்லாட்களுக்கு மத்தியில் சுசூகி லோகோ பதிக்கப்பட்டுள்ளது. பனி விளக்குகள் அறையில் குரோம் பட்டை போன்றவை இணைக்கப்பட்டுள்ளது. முகப்பு விளக்கு , பானெட்டில் எந்த மாற்றங்களும் இல்லை. பக்கவாட்டில் புதிய அலாய் வீலை பெற்றுள்ளது.

பின்புறத்தில் நீளமான குரோம் பட்டை சேர்க்கப்பட்டுள்ளது. அதன் மேலே எர்டிகா என எழுதப்பட்டுள்ளது. மேலும் ரிஃபெலக்ட்ர் சேர்க்கப்பட்டுள்ளது. டெயில் விளக்குகள் மற்றும் பின்புற பம்பரினை பதுப்பிக்கப்பட்டுள்ளது.

உட்புறத்தில் இரட்டை வண்ண டேஸ்போர்டு , 7 இஞ்ச் தொடுதிரை ஸ்மார்ட்பிளே இன்ஃபோடெயின்மென்ட் சிஸ்டம் , ஆடியோ பூளூடூத் , யூஎஸ்பி/ஆக்ஸ் தொடர்புகள் , புதிய அப்ஹோல்ஸ்ட்ரி , எலக்ட்ரிக் ஃபோல்டிங் மிரர் , ஒன் புஸ் வின்டோ ஒட்டுநர் இருக்கைக்கு , என்விஎச் லெவல் அதிகரிக்கப்பட்டுள்ளது.

என்ஜின்

91 ஹெச்பி ஆற்றலை வெளிப்படுத்தும் 1.4 லிட்டர் பெட்ரோல் என்ஜின் பொருத்தப்பட்டுள்ளது. இதன் டார்க் 130என்எம் ஆகும். இதில் 5 வேக மெனுவல் மற்றும் 4 வேக ஆட்டோமேட்டிக் கியர்பாக்ஸ் உள்ளது.

88.5 ஹெச்பி ஆற்றலை வெளிப்படுத்தும் 1.3 லிட்டர் டீசல் SHVS ஹைபிரிட் என்ஜின் பொருத்தப்பட்டுள்ளது. இதன் டார்க் 200என்எம் ஆகும். இதில் 5 வேக மெனுவல் கியர்பாக்ஸ் உள்ளது.

மாருதி சுஸூகி எர்டிகா டீசல் மைலேஜ் லிட்டருக்கு 24.52 கிமீ மற்றும் மாருதி சுஸூகி எர்டிகா பெட்ரோல் மைலேஜ் லிட்டருக்கு 17.5கிமீ ஆகும்

SHVS ஹைபிரிட் நுட்பம் ஒரு சிறப்பான மைல்ட் ஹைபிரிட் அமைப்பாகும். இந்த அமைப்பு ஸ்டார்ட்/ஸ்டாப் , பிரேக் ஆற்றலை சேமிக்க மற்றும் என்ஜினுக்கு கூடுதல் ஆற்றலை வழங்க உதவிசெய்யும்.

சிறப்பு வசதிகள்

முன்பக்க இரட்டை காற்றுப்பைகள் மற்றும் ஏபிஎஸ் , இபிடி வசதி பேஸ் வேரியண்ட்டை தவிர்த்து மற்ற வேரியண்ட்களில் உள்ளது. ரியர் பார்க்கிங் சென்சார் மற்றும் கேமரா , ஸ்மார்ட் பிளே இன்ஃபோடெயின்மென்ட் அமைப்பு போன்றவை உள்ளது.