இந்தியாவில் ரூ. 31.54 லட்சத்தில் மிட்சுபிஷி அவுட்லேண்டர் எஸ்.யூ.வி விற்பனைக்கு அறிமுகம் செய்யப்பட்டுள்ளது. சர்வதேச அளவில் 2015 ஆம் ஆண்டு அறிமுகம் செய்யப்பட்ட மேம்படுத்தப்பட்ட அவுட்லேண்டர் எஸ்யூவி பல்வேறு வசதிகளை கொண்டதாக விளங்குன்றது.
மிட்சுபிஷி அவுட்லேண்டர் எஸ்.யூ.வி
இந்திய சந்தையில் 6 வருடங்களுக்குப் பிறகு புத்தம் புதிய மூன்றாவது தலைமுறை மிட்சுபிஷி அவுட்லேண்டர் எஸ்யூவி மாடலை அறிமுகம் செய்துள்ளது. மிக நேர்த்தியான கட்டமைப்பை பெற்ற இந்த மாடல் முழுமையான வடிவமைக்கப்பட்ட மாடலாக இறக்குமதி செய்யப்படுகின்ற அவுட்லேண்ருக்கு போட்டியாக எண்டேவர், ஃபார்ச்சூனர், கோடியக், இசுசூ MU-X மற்றும் டிகுவான் ஆகியவை விளங்குகின்றது.
7 இருக்கைகளை கொண்ட அவுட்லேண்டர் மாடலில் 167 ஹெச்பி பவரை வெளிப்படுத்தும் 4B12 2.4 லிட்டர் MIVEC பெட்ரோல் எஞ்சின் பொருத்தப்பட்டு அதிகபட்சமாக 222 என்எம் இழுவைத் திறனை வழங்குவதுடன் ஆல் வீல் டிரைவ் அமைப்புடன் கூடிய சிவிடி ஆட்டோ கியர்பாக்ஸ் வசதி கொண்ட மாடல் மட்டும் விற்பனை செய்யப்பட உள்ளது.
மிக நேர்த்தியான டிசைனிங் மொழியை பெற்று கம்பீரமாக காட்சியளிகின்ற அவுட்லேண்டர் மாடலில் எல்இடி ஹெட்லைட், எல்இடி டெயில் விளக்கு, பகல் நேர ரன்னிங் விளக்கு ஆகியவற்றுடன், இன்டிரியரில் லெதர் இருக்கை, 6.1 அங்குல சென்டரல் டிஸ்பிளே, ராக்ஃபோர்டு சவுண்ட் சிஸ்டம், 7 ஏர்பேக்குகள், ஏபிஎஸ் இபிடி உள்ளிட்ட அம்சங்களை கொண்டுள்ளது.
கருப்பு, நீலம், சிவப்பு, சில்வர், வெள்ளை, வெள்ளை சாலிட் மற்றும் டைட்டானியம் கிரே என மொத்தம் 7 நிறங்களில் கிடைக்க உள்ளது.
மிட்சுபிஷி அவுட்லேண்டர் எஸ்.யூ.வி விலை ரூ. 31.54 லட்சம் (எக்ஸ்-ஷோரூம் இந்தியா)
