இந்திய சந்தையின் மிக குறைந்த விலையில் சன்ரூஃப் பெற்ற மாடலாக டாடா மோட்டாசின் அல்ட்ராஸ் ஹேட்ச்பேக் கார் விற்பனைக்கு ₹ 7.90 லட்சத்தில் வெளியிடப்பட்டுள்ளது. சன்ரூஃப் அல்லாத மாடலை விட ரூ.45,000 வரை விலை கூடுதலாக அமைந்திருக்கின்றது.
சமீபத்தில் டாடா அல்ட்ராஸ் காரில் சிஎன்ஜி எரிபொருள் வசதி பெற்ற மாடல் விற்பனைக்கு வெளியிடப்பட்டிருந்தது. நடுத்தர XM+ வேரியண்டில் சன் ரூஃப் வசதி துவங்குகின்றது.
2023 Tata Altroz
1.2-லிட்டர், மூன்று சிலிண்டர் என்ஜின் பெட்ரோல் என்ஜின் பொருத்தப்பட்டு 86hp மற்றும் 113Nm டார்க் வெளியிடுகிறது. அதுவே CNG எரிபொருள் பெற்ற மாடல் 77hp மற்றும் 97Nm டார்க் வெளிப்படுத்தும். இதில் 5-ஸ்பீடு மேனுவல் கியர்பாக்ஸ் இணைக்கப்பட்டுள்ளது. அல்ட்ராஸ் சிஎன்ஜி எரிபொருள் மைலேஜ் 27Km/kg ஆகும்.
டர்போ அல்ட்ராஸ் காரில், .2 லிட்டர் டர்போ பெட்ரோல் 3 சிலிண்டர் இன்ஜின் அதிகபட்சமாக 5500 ஆர்.பி.எம்-மில் 90 BHP பவர் மற்றும் 1500-5000 ஆர்.பி.எம்-மில் 140 NM வெளிப்படுத்தும். இந்த ஐ-டர்போ பெட்ரோல் என்ஜில் 5 ஸ்பீடு மேனுவல் டிரான்ஸ்மிஷனுடன் இணைக்கப்பட்டுள்ளது.
டாடா சன்ரூஃப் அல்ட்ராஸில் மிட்-ஸ்பெக் XM+ வேரியண்டில் அறிமுகப்படுத்தியுள்ளது. இதில் பெட்ரோல், டர்போ-பெட்ரோல், டீசல் மற்றும் CNG பவர் ட்ரெயின்களில் மொத்தம் 16 வகைகளில் கிடைக்கிறது.
2023 டாடா அல்ட்ராஸ் காரின் விலை ₹ 6.59 லட்சம் முதல் ₹ 10.74 லட்சம் வரை கிடைக்கின்றது.
