இந்தியா மட்டுமல்லாமல் சர்வதேச அளவில் மிகவும் பிரபலமாக விளங்குகின்ற கேடிஎம் சூப்பர் பைக் நிறுவனம் மிகப்பெரிய நிதி நெருக்கடியில் சிக்கி தவிப்பதனால் இதனுடைய நிர்வாக ரீதியான பல்வேறு சீர்திருத்தங்கள் மேற்கொள்ளப்பட உள்ளதாலும் அடுத்த 90 நாட்களில் கேடிஎம் நிறுவனத்தின் எதிர்காலம் தீர்மானிக்கப்பட உள்ளதாக அறிக்கை வெளியாகி உள்ளது.
Pierer Mobility AG கீழ் செயல்படுகின்ற ஹஸ்குவர்னா, கேஸ்கேஸ், எம்வி அகுஸ்டா, ஆகியவற்றுடன் கேடிஎம் நிறுவனமும் ஒன்றாகும். மேலும் கேடிஎம் நிறுவனத்தில் Pierer Mobility AG மட்டுமல்ல இந்தியாவின் பஜாஜ் ஆட்டோ நிறுவனமும் பங்குகளை கொண்டுள்ளது.
Pierer Mobility குழுமம் ஜனவரி, பிப்ரவரி 2025 என இரண்டு மாதங்களுக்கு பைக்குகளின் உற்பத்தியை இடைநிறுத்த முடிவு செய்துள்ளதாக கூறப்படும் நிலையில், ஏற்கனவே நூற்றுக்கணக்கான ஊழியர்களை பணிநீக்கம் செய்துள்ளது.
கேடிஎம் 2024 ஆண்டுக்கு பிறகு செயல்பாடுகளைத் தொடர குறைந்தபட்சம் 100 மில்லியன் யூரோக்களைக் தேவைப்படுதவதாக கூறப்படுகிறது. தேவையான நிதி இலக்கை தற்பொழுது வரை அடையவில்லை.
“குழுவை மறுசீரமைப்பது நீண்ட காலத்திற்கு KTM குழுமத்தின் வளர்ச்சி, தொடர்ச்சியான இருப்பைப் பாதுகாப்பது மட்டுமல்லாமல், செயல்பாட்டில் இருந்து வலுவாக வெளிப்படுவதற்கான அடிப்படையையும் உருவாக்க வேண்டும்” என்று Pierer Mobility அறிக்கையில் தெரிவித்துள்ளது.
தற்போதைய நிதிச் சிக்கல்களுக்கு மத்தியில் நிறுவனத்தை மறுசீரமைக்க 90 நாள் சுயநிர்வாக காலத்திற்குள் நுழைவதாக அறிவித்துள்ளது.
புதிதாக நியமிக்கப்பட்ட இணை-தலைமை நிர்வாக அதிகாரி Gottfried Neumeister உடன் இணைந்து ஒரு அறிக்கையில், Pierer பேசுகையில் “கடந்த மூன்று தசாப்தங்களில், நாங்கள் ஐரோப்பாவின் மிகப்பெரிய மோட்டார் சைக்கிள் உற்பத்தியாளராக வளர்ந்துள்ளோம்.
“எங்கள் தயாரிப்புகள் மூலம் உலகெங்கிலும் உள்ள மில்லியன் கணக்கான மோட்டார் சைக்கிள் ஓட்டுநர்களை நாங்கள் ஊக்குவிக்கிறோம். இப்போது நாம் எதிர்காலத்திற்காக ஒரு பிட் ஸ்டாப் எடுக்கிறோம். கேடிஎம் பிராண்ட் எனது வாழ்க்கையின் வேலை, அதற்காக நான் போராடுவேன்.
