மெர்சிடிஸ் GLS எஸ்யூவி விற்பனைக்கு வந்தது

ரூ.80.40 லட்சம் விலையில் மெர்சிடிஸ் பென்ஸ் GLS எஸ்யூவி சொகுசு எஸ்யூவி கார் விற்பனைக்கு அறிமுகம் செய்யப்பட்டுள்ளது. மெர்டிஸ் GLS எஸ்யூவி கார் மெர்சிடிஸ் GL காரின் மேம்படுத்தப்பட்ட மாடலாகும்.

mercedes-benz-GLS-SUV

முந்தைய மாடலைவிட முற்றிலும் மேம்படுத்தப்பட்ட ஜிஎல்எஸ் காரில் மிக அகலமான கிரில் மற்றும் ஸ்போர்ட்டிவ் பம்பர் , 3 நட்சத்திரங்களை கொண்ட மிக அகலமான மெர்சிடிஸ் பென்ஸ் லோகோ -வினை பெற்றுள்ளது. பல பீம்களை கொண்ட முகப்பு விளக்குடன் கூடிய பகல் நேர ரன்னிங் எல்இடி விளக்கினை பெற்றுள்ளது. பக்கவாட்டில் எந்த மாற்றங்களறும் இல்லாமல் பின்புறத்தில் எல்இடி டெயில் விளக்குகள் மற்றும் மேம்படுத்தப்பட்ட பம்பரினை பெற்றுள்ளது.

7 இருக்கைகளை கொண்ட மெர்சிடிஸ் ஜிஎல்எஸ் எஸ்யூவி காரில் மிக சொகுசான இருக்கை அமைப்புடன் , பல நவீன வசதிகளை பெற்றுள்ள காரில் மிக அகலமான 8 இஞ்ச் தொடுதிரை கொண்ட இன்ஃபோடெயின்மென்ட் அமைப்பினை பெற்று விளங்குகின்றது.

ஏபிஎஸ் , இபிடி , இஎஸ்பி , விபத்து தடுக்க உதவி , ஆல்வில் டிராக்‌ஷன் கன்ட்ரோல் , பிரேக் அசிஸ்ட் , க்ராஸ்வின்ட் அசிஸ்ட் போன்ற பாதுகாப்பு அம்சங்களை பெற்றுள்ளது.

 

258 hp ஆற்றலை வெளிப்படுத்தக்கூடிய 3.0 லிட்டர் வி6 டீசல் என்ஜின் பொருத்தப்பட்டுள்ளது. இதன் இழுவைதிறன் 620 Nm ஆகும். இதன் 9வேக ஜி-ட்ரானிக் ஆட்டோ கியர்பாக்ஸ் பொருத்தப்பட்டுள்ளது.  0 முதல் 100 கிமீ வேகத்தினை எட்டுவதற்கு 8.2 விநாடிகள் எடுத்துக்கொள்ளும்.

மெர்சிடிஸ் பென்ஸ் GLS எஸ்யூவி கார் விலை ரூ.80.40 லட்சம் (எக்ஸ்ஷோரூம் புனே)

Exit mobile version