மேம்படுத்தப்பட்ட புதிய ஹூண்டாய் கிராண்ட் ஐ10 காரின் படங்களை ஹூண்டாய் மோட்டார் வெளியிட்டுள்ளது. சர்வதேச அளவில் ஹூண்டாய் ஐ10 என்ற பெயரிலும் இந்தியாவில் கிராண்ட் ஐ10 என்ற பெயரில் விற்பனையில் உள்ளது.
இந்தியாவில் சோதனை ஓட்டம் தொடங்கப்பட்டுள்ள கிராண்ட் i10 காரின் மேம்படுத்தப்பட்ட மாடலின் வடிவம் சர்வதேச அளவில் வெளிப்பட்டுத்தபட்டுள்ள ஐ10 காரின் வடிவம் மற்றும் வசதிகளை கொண்டதாக விளங்கும்.
2017 ஹூண்டாய் கிராண்ட் ஐ10 காரின் முகப்பில் மிக அகலமான ரேடியேட்டர் கிரிலை பெற்றுள்ளது. அதன் அருகே அமைந்துள்ள வட்ட வடிவ பகல் நேர ரன்னிங் எல்இடி விளக்குகள் , பம்பரின் கீழ்பகுதியில் அமைந்துள்ள பனி விளக்குகள் போன்றவற்றை கொண்டுள்ளது. பக்கவாட்டில் பெரிதான தோற்ற மாற்றங்கள் இல்லாமல் எக்ஸ்சென்ட் காரில் உள்ளதை போன்ற டைமன்ட் கட் டிசைன் அலாய் வீலை பெற்றுள்ளது. பின்புற பம்பரில் அகலமான கருப்பு இன்ஷர்டில் வட்ட வடிவ ரிஃபெலக்டர் பெற்றுள்ளது.
இன்டிரியர் அமைப்பில் க்ரெட்டா காரில் உள்ளதை போன்ற 7 இன்ச் அகலமான தொடுதிரை இன்ஃபோடெயின்மென்ட் சிஸ்டத்தில் ஆண்ட்ராய்ட் ஆட்டோ , ஆப்பிள் கார் பிளே மற்றும் நேவிகேஷன் வசதிகள் இடம் பெற்றிருக்கும். டேஸ்போர்டு மற்றும் இருக்கை அமைப்புகள் மேம்படுத்தபட்டுள்ளது.
எஞ்சின் ஆப்ஷன்களில் எவ்விதமான மாற்றங்களும் இல்லாமல் விற்பனையில் உள்ள பவர் மற்றும் டார்க் விபரங்களிலே தொடரும் என தெரிவிக்கப்பட்டுள்ளதால் தோற்ற மாற்றங்கள் மற்றும் கூடுதலான வசதிகளுடன் , ஸ்டீயரிங் , சஸ்பென்ஷன் அமைப்புகளின் திறன் மேம்படுத்தப்பட்டுள்ளது. பாதுகாப்பு அம்சங்களில் முன்பக்க மோதலை எச்சரிக்கும் அமைப்பு , லேன் மாறுவதனை எச்சரிக்கும் அமைப்பு போன்ற அம்சங்களுடன் வரவுள்ளது.
வருகின்ற 2016 பாரீஸ் மோட்டார் ஷோ அரங்கில் பார்வைக்கு அறிமுகம் செய்யப்பட உள்ள புதிய ஹூண்டாய் கிராண்ட் ஐ10 அடுத்த வருடத்தின் தொடக்கத்தில் இந்தியாவில் விற்பனைக்கு வரும் வாய்ப்புகள் உள்ளது.