பியாஜியோ நிறுவனத்தின் அப்ரிலியா பிரிவின் அப்ரிலியா எஸ்ஆர்150 ஸ்கூட்டர் ரூ.65,000 விலையில் விற்பனைக்கு ஆகஸ்ட மாதம் வெளியிடப்பட உள்ளது. அப்ரிலியா SR150 ஸ்கூட்டர் இந்தியாவிலே உற்பத்தி செய்யப்பட உள்ளது.
பிரிமியம் ரக ஸ்கூட்டர்களை இந்திய சந்தையில் நிலைநிறுத்துவதனை நோக்காமாக கொண்டு செயல்படும் பியாஜியோ நிறுவனத்தின் புதிய பிரிமியம் ஸ்கூட்டர் பிரான்டான வெஸ்பா-வினை தொடர்ந்து 2016 டெல்லி ஆட்டோ எக்ஸ்போ வாயிலாக வெளியிடப்பட்ட அப்ரிலியா SR150 ஸ்கூட்டரினை அடுத்த சில வாரங்களில் சந்தைக்கு கொண்டு வர பியாஜியோ வாகனங்கள் நிறுவனம் திட்டமிட்டுள்ளது.
மஹாராஷ்ட்ரா மாநிலத்தில் அமைந்துள்ள பியாஜியோ பராமதி ஆலையில் உற்பத்தி செய்யப்பட உள்ள எஸ்ஆர்150 ஸ்கூட்டரில் சிறப்பான பெர்ஃபாமென்ஸை வெளிப்படுத்தும் 12 PS ஆற்றலுடன் 11.5 Nm டார்க்கினை கொண்ட 150சிசி இஞ்ஜின் பொருத்தப்பட்டிருக்கும். சிறப்பான ஸ்டைலிங் அம்சங்களாக 5 ஸ்போக்குகளை கொண்ட 14 இஞ்ச் அலாய் வீல் , இரு டயர்களிலும் டிஸ்க் பிரேக் போன்றவற்றை பெற்றிருக்கும்.
அப்ரிலியா ரேசிங் பைக்குகளை தயாரிப்பதில் பிரசத்தி பெற்று விளங்கும் நிலையில் மிகச்சிறந்த பெர்ஃபாமென்ஸ் தன்மை கொண்ட சிறப்பான கையாளுமை பெற்று பவர்ஃபுல்லான ஸ்கூட்டராக விளங்கும் என்பதனால் இளைஞர்களை மிக விரைவாக கவரும். இத்தாலியின் டிசைன் வடிவ தாத்பரியங்களை கொண்டு வடிவமைக்கப்பட்டுள்ளது.
ஆகஸ்ட மாதத்தின் தொடக்க வாரங்களில் விற்பனைக்கு அறிமுகம் செய்யப்பட உள்ளதால் உடனடியாக முன்பதிவு தொடங்கப்பட வாய்ப்புள்ளது.