ராயல் என்ஃபீல்டு மோட்டார்சைக்கிள் நிறுவனத்தின் அட்வென்ச்சர் ரக மாடலான ஹிமாலயன் பிஎஸ் 6 என்ஜின் பெற்றதாக விற்பனைக்கு வெளியிடப்பட உள்ளது. தற்போது விற்பனையில் கிடைக்கின்ற பிஎஸ் 4 மாடலை விட ரூ.15,000 வரை விலை உயர்த்தப்பட்டிருக்கலாம்.
இந்நிறுவனம் ட்வீட்டரில் வெளியிட்ட டீஸர் வீடியோ மூலம், 2020 ஹிமாலயன் பைக் பிஎஸ் 6 இணக்கமான என்ஜினை பெற்று, விற்பனையில் உள்ள நிறங்களை விட கூடுதலான நிறங்கள் மற்றும் புதுப்பிக்கப்பட்ட டிஜிட்டல் கிளஸ்ட்டர், சுவிட்சபிள் ஏபிஎஸ் உள்ளிட்ட வசதிகளுடன் பல மேம்பாடுகளை கொண்டிருக்கும்.
410 சிசி என்ஜின் பொருத்தப்பட்டு பிஎஸ் 6 மாசு உமிழ்வுக்கு ஏற்றதாகவும், தற்போதைய மாடலுடன் ஒப்பீடும் போது சற்று குறைவான சக்தியை பெற்றிருக்கும் என்று எதிர்பார்க்கலாம். மற்றபடி கியர்பாக்சில் எந்த மாற்றங்களும் இருக்காது. அடுத்த சில நாட்களுக்குள் விற்பனைக்கு வெளியிடப்படலாம்.
சமீபத்தில் இந்நிறுவனத்தின் பிரசத்தி பெற்ற கிளாசிக் 350 மாடலில் பிஎஸ் 6 என்ஜின் பெற்றதாக விற்பனைக்கு வெளியிடப்பட்டது.
