பிளாக்ஸ்மித் B4 மற்றும் B4+ எலெக்ட்ரிக் ஸ்கூட்டர் அறிமுகமானது

0

Blacksmith B4 plus e scooter

சென்னையை தலைமையிடமாக கொண்ட பிளாக்ஸ்மித் எலெக்ட்ரிக் நிறுவனத்தின் B4 மற்றும் B4+ என இரு எலக்ட்ரிக் டூ வீலர்களை அறிமுகம் செய்துள்ளது. வர்த்தகரீதியான பயன்பாட்டிற்கு ஏற்ற மின் ஸ்கூட்டராக B4+ வெளியிடப்பட்டுள்ளது.

முன்பாக இந்நிறுவனம், பி2 மற்றும் பி3 என இரு எலெக்ட்ரிக் ஸ்கூட்டர்களை அறிமுகம் செய்திருந்த நிலையில், தற்போது இந்நிறுவனத்திடம் உள்ள மின்சார ஸ்கூட்டர் வரம்பில் பி2, பி3, பி4 மற்றும் பி4+ ஆகியவை அடங்கும்.
முன்பதிவு செய்வதற்கான தொகை ரூ.1,000 வசூலிக்கப்பட்டு வரும் நிலையில் முன்பதிவினை ரத்து செய்தால் திரும்பப்பெறக்கூடியதாகும்.

பிளாக்ஸ்மித் நிறுவனத்தின் டீலர்கள் நடப்பு ஆண்டின் மத்தியில் துவங்கப்பட்டு, விநியோகம் ஆண்டின் இறுதியில் மேற்கொள்ளப்படலாம்.

பிளாக்ஸ்மித் B4 மற்றும் B4+ சிறப்புகள்

இரு மாடல்களுக்கும் முழுமையான சார்ஜிங் செய்ய 4 மணி நேரம் எடுத்துக் கொள்வதுடன் 5 கிலோவாட் ஹவர் மோட்டார் பொருத்தப்பட்டு அதிகபட்சமாக 120 கிமீ பயணிக்கும் வரம்புடன் அதிக பவரை வழங்கும் அடர்த்தி கொண்ட NMC பேட்டரி பேக்  உடன் திறன்மிகுந்த ப்ளூடூத் பிஎம்எஸ் மற்றும் உயர் திறன் கொண்ட ஏசி கன்ட்ரோலருடன் வரவுள்ளது. பி4, பி4+ அதிகபட்சமாக 14.5 கிலோவாட் (19.44 பிஹெச்பி) சக்தி மற்றும் உச்ச முறுக்கு விசை 96 என்எம் ஆகும். இந்நிறுவன எலக்ட்ரிக் ஸ்கூட்டரில் ஒரு செயற்கை நுண்ணறிவு அமைப்புடன் இயங்கும் ஜி.பி.எஸ், அதே போல் திருட்டை தடுப்பதற்கான அலாரத்துடன் வரவுள்ளது.

Blacksmith B4 e scooter

இதுதவிர இந்த இரு ஸ்கூட்டர்களிலும் 60 / 80 / 100 கிமீ என மூன்று விதமான வேகத்தை தேர்ந்தெடுக்கலாம். இதில் பி4+ மின் ஸ்கூட்டர் வர்த்தகரீதியான பயன்பாட்டிற்கு ஏற்றதாக வடிவமைக்கப்பட்டுள்ளது.

Blacksmith B4 electric scooter