2018 ஹீரோ பேஸன் எக்ஸ் ப்ரோ i3S பைக் அறிமுகம்

0

2018 Hero Passion XPro bikeஉலகின் மிகப்பெரிய இரு சக்கர வாகன தயாரிப்பாளராக விளங்கும் ஹீரோ மோட்டோகார்ப் நிறுவனத்தின் புத்தம் புதிய ஹீரோ பேஸன் எக்ஸ் ப்ரோ i3S பைக் அறிமுகம் செய்யப்பட்டு நிலையில் கூடுதலாக பேஸன் ப்ரோ மற்றும் ஹீரோ சூப்பர் ஸ்பிளென்டர் ஆகிய இரு மாடல்களும் அறிமுகம் செய்யப்பட்டுள்ளது.

ஹீரோ பேஸன் எக்ஸ் ப்ரோ

2018 Hero Super Splendor passion pro and passion xpro unveiled

சாதாரண  பேஸன் ப்ரோ மாடலை விட பிரிமியம் தோற்றத்தை வெளிப்படுத்தும் மாடலாக விளங்குகின்ற பேஸன் எக்ஸ் ப்ரோ மிகவும் ஸ்டைலிசாக விளங்குவதுடன் இளைஞர்களை கவரும் வகையில் அமைந்துள்ளது.

ஏறக்குறைய பேஸன் ப்ரோ வசதிகளை பெற்றிருந்தாலும் எக்ஸ் ப்ரோ மாடல் கூர்மையான பெட்ரோல் டேங்க் ,நேர்த்தியான கவுல் பேனல், சைட் ஸ்டெப் இன்டிகேட்டர் ஆகிய அம்சங்களுடன் , புதிய டிஜிட்டல் அனலாக் மீட்டரை பெற்றதாக வந்துள்ளது.

புதிய பேஸன் ப்ரோ பைக்கில் இடம்பெற்று அதே எஞ்சினை பேஸன் எக்ஸ் ப்ரோ மாடலும் பெற்றுள்ளது. i3s நுட்பத்தை பெற்ற 110சிசி TOD (Torque on Demand) எஞ்சின் அதிகபட்சமாக 9.4 bhp பவருடன், 9 Nm டார்க்கினை வழங்கும்,இதில் 4 வேக கியர்பாக்ஸ் இடம்பெற்றுள்ளது. பேஸன் எக்ஸ் ப்ரோ மிக சிறப்பான மைலேஜ் மற்றும் கையாளுமை வெளிப்படுத்தும் வகையில் மாற்றியமைக்கப்பட்டுள்ளதால், முந்தைய மாடலை விட 12 சதவீத கூடுதல் பவர் மற்றும் டார்க் வழங்கும் என ஹீரோ குறிப்பிட்டுள்ளது.

2018 Hero Passion XPro engine

அலாய் வீல், முன்புறத்தில் டிஸ்க் பிரேக் ஆகியவற்றை பெற்றுள்ள பேஸன் எக்ஸ் ப்ரோ மாடலில் கருப்பு நிறத்துடன் கலந்த சிவப்பு, சிவப்பு நிறத்துடன் கலந்த கருப்பு, கருப்பு நிறத்துடன் நீலம், கருப்பு நிறத்துடன் கிரே, மற்றும் சில்வர் நிறத்துடன் கருப்பு என மொத்தம் 5 விதமான நிறங்களில் விற்பனைக்கு கிடைக்க உள்ளது.

வருகின்ற ஜனவரி 2018 முதல் வாரத்தில் 2018 ஹீரோ பேஸன் எக்ஸ் ப்ரோ பைக் விற்பனைக்கு கிடைக்க உள்ளது. இந்த பைக்கின் விலை விபரம் அடுத்த வார இறுதியில் வெளியாக உள்ளது.

2018 Hero Passion Pro

மேலும் படிங்க

2018 ஹீரோ பேஸன் ப்ரோ பைக் அறிமுகம் முழுவிபரம்

2018 ஹீரோ சூப்பர் ஸ்பிளென்டர் பைக் அறிமுகம் முழுவிபரம்