ஹோண்டா ஆக்டிவா 5ஜி ஸ்கூட்டர்
இந்திய இரண்டு சக்கர வாகன சந்தையில் முன்னணி வகிக்கும் மாடலாக விளங்கும் ஹோண்டா ஆக்டிவா ஸ்கூட்டரின் மேம்படுத்தப்பட்ட ஆக்டிவா 2018 மாடல் ஹோண்டா ஆக்டிவா 5G என்ற பெயரில் புதிதாக மஞ்சள் மற்றும் சிவப்பு நிறத்துடன் புதிய டீலக்ஸ் வேரியன்ட் அறிமுகம் செய்யப்பட்டுள்ளது.
ஐந்தாவது தலைமுறை ஆக்டிவா 5ஜி ஸ்கூட்டர் மாடலில் புதிய எல்இடி ஹெட்லைட் பெற்றிருப்பதுடன், டிஜிட்டல்-அனலாக் இன்ஸ்டூருமென்ட் கிளஸ்ட்டரில் இக்கோ மற்றும் சர்வீஸ் இன்டிகேட்டர் ஆகிய அம்சங்களை பெற்றிருப்பதுடன் புதிதாக மஞ்சள் மற்றும் சிவப்பு ஆகிய இரு நிறங்கள் கூடுதலாக வெளியிடப்பட்டுள்ளது.
மேலும் இந்த ஸ்கூட்டரில் முன்புறத்தில் சிறிய பைகளை மாட்டிக் கொள்வதுடன், மஃப்லர் பாதுகாப்பு கவர் ஆகியவற்றை பெற்றிருக்கின்றது. எஞ்சின் ஆற்றல் மற்றும் டார்க் ஆகியவற்றில் எந்த மாற்றங்களும் இல்லாமல் வந்துள்ளது.
இந்திய ஆட்டோமேட்டிக் ஸ்கூட்டர் சந்தையில் 58 சதவீத பங்களிப்பினை ஆக்டிவா கொண்டுள்ள நிலையில் 109சிசி ஹோண்டா இக்கோ டெக்னாலாஜி (Honda Eco Technology – HET) இன்ஜின் 8bhp பவரை வெளிப்படுத்தும் மற்றும் டார்க் 9 Nm ஆகும். காம்பி பிரேக் சிஸ்டத்துடன் இணைந்துள்ள ஆக்டிவா 5ஜி ஸ்கூட்டர் விளங்குகின்றது.
அடுத்த சில வாரங்களில் விற்பனைக்கு வரவுள்ள புதிய ஹோண்டா ஆக்டிவா 5ஜி ஸ்கூட்டர் சிறிய அளவிலான விலை உயர்வினை கொண்டிருக்கும் என எதிர்பார்க்கப்படுகின்றது.
இதை தவிர ஹோண்டா ஆட்டோ எக்ஸ்போவில் 11 மாடல்களை மொத்தமாக காட்சிப்படுத்தியுள்ளது. அவற்றில் மிக முக்கியமானவை ஹோண்டா எக்ஸ் பிளேட் , கிரேஸியா, ஆப்ரிக்கா ட்வின், க்ளிக் ஆகிய மாடல்களை காட்சிப்படுத்தியுள்ளது.
