ரூ.66,468 விலையில் ஹோண்டா CD 110 ட்ரீம் பிஎஸ்-6 விற்பனைக்கு வெளியானது

முக்கிய குறிப்புகள்

பிஎஸ்-6 இன்ஜின் பெற்ற புதிய ஹோண்டா CD 110 ட்ரீம் பைக்கின் ஆரம்ப விலை ரூபாய் 66,468 முதல் துவங்குகின்றது. இந்த மாடலில் சிடி 110 ட்ரீம் டீலக்ஸ் வேரியண்ட் விலை ரூ.67,468 ஆக வெளியிடப்பட்டுள்ளது.

புதிய ஹோண்டா CD 110 ட்ரீம் டீலக்ஸ் பைக்கில் பிஎஸ்-6 ஆதரவு பெற்ற 110 சிசி இன்ஜின்  eSP நுட்பத்துடன் அதிகபட்சமாக 8.67 hp பவரை 7500 ஆர்பிஎம்-லும், 9.30 Nm டார்க் 7500 ஆர்பிஎம்-ல் வழங்குகின்றது. தொடர்ந்து 4 வேக மேனுவல் கியர்பாக்ஸ் இடம்பெற்றுள்ளது. முந்தைய பிஎஸ்-4 மாடலை விட கூடுதலான பவர் (8.32 hp) மற்றும் டார்க் (9.09 Nm) வெளிப்படுத்துகின்றது.

தோற்ற மாற்றங்கள்

புதிய சிடி110 ட்ரீம் பைக்கின் பெட்ரோல் டேங்க், இருக்கையின் அடியில் உள்ள பேனல்கள் புதுப்பிக்கப்பட்டு பாடி கிராபிக்ஸ் கொண்டுள்ளது. அடுத்தப்படியாக இஎஸ்பி சிஸ்டத்தை பெற்றுள்ளதால் சத்தமில்லாமல் ஸ்டார்ட் செய்யும் வசதி, டிசி ஹாலஜென் பல்ப், என்ஜின் ஸ்டார்ட் / ஸ்டாப் ஆஃப் சுவிட்சு மற்றும் நீளமான இருக்கை கொண்டுள்ளது.

இருபக்க டயர்களிலும் 130 மிமீ டிரம் பிரேக் பெற்று கூடுதலாக சிபிஎஸ் பிரேக்கிங் திறனை கொண்டதாக அமைந்துள்ளது. முன்புறத்தில் டெலிஸ்கோபிக் சஸ்பென்ஷன் மற்றும் பின்புறத்தில் ஹைட்ராலிக் டைப் ஷாக் அப்சார்பர் பெற்றதாக அமைந்துள்ளது. இந்த பைக்கின் HET டீயூப்லெஸ் டயர் பின்புறம் மட்டும் வழங்கப்பட்டுள்ளது.

ஹோண்டா CD 110 ட்ரீம் விலை பட்டியல்

சிடி110 ட்ரீம் – ரூ.66,468

சிடி110 ட்ரீம் டீலக்ஸ் – ரூ.67,468

(எக்ஸ்ஷோரூம் சென்னை)

Exit mobile version