2017 மஹிந்திரா ஸ்கார்பியோ
எஞ்சின் ஸ்டார்ட் மற்றும் ஸ்டாப் நுட்பத்தை கொண்ட மைக்ரோ ஹைபிரிட் அம்சத்தை பெற்றதாக தொடர்ந்து அறிமுகம் செய்யப்பட்டுள்ள ஸ்கார்பியோ மாடலில் மேம்படுத்தப்பட்ட தோற்ற அமைப்புடன் டாப் வேரியன்ட் மாடல் அதிகபட்சமாக 20 ஹெச்பி கூடுதலாக பெற்று 140ஹெச்பி ஆற்றலை வழங்குகின்றது.
ஸ்கார்பியோ காரின் முகப்பில் புதுப்பிக்கப்பட்ட 7 ஸ்லாட் கிரில், புதுப்பிக்கப்பட்ட முகப்பு பம்பர், புதிய புராஜெக்ட்ர் விளக்கு, புதிய வட்ட வடிவ பனி விளக்கு, ஓஆர்விஎம் உடன் இணைந்த டர்ன் இன்டிகேட்டர், புதிய 5 ஸ்போக் பெற்ற அலாய் வீல், புதிய ஸ்கிட் பிளேட், சிவப்பு நிறத்தை பெற்ற எல்இடி டெயில் விளக்கு ஆகியவற்றை கொண்டிருக்கின்றது.
உட்புற அமைப்பில் டாப் வேரியன்டில் லெதர் இருக்கைகள், மொபைல் ஹோல்டர் இன்ஃபோடெயின்மென்ட் சிஸ்டத்துடன் கூடிய ரிவர்ஸ் கேமரா உட்பட பல்வேறு அம்சங்களை பெற்றதாக வந்துள்ளது.
ஸ்கார்பியோ எஞ்சின் விபரம்
S3, S5, S7, மற்றும் S11 என மொத்தம் நான்கு விதமான வேரியன்டில் கிடைக்கின்ற 2017 ஸ்கார்பியோ மாடலின் எஸ்3 பேஸ் வேரியன்டில் 2,523cc திறன்பெற்ற m2DICR எஞ்சின் பொருத்தபட்டு 75 ஹெச்பி ஆற்றல் மற்றும் 200 என்எம் டார்க் ஆகியவற்றை வெளிப்படுத்துகின்றது.
S5, S7 என இரண்டிலும் 2.2 லிட்டர் எம் ஹாக் எஞ்சின் 120 ஹெச்பி ஆற்றல் மற்றும் 280 என்எம் டார்க் ஆகியவற்றை வெளிப்படுத்துகின்றது. இந்த இரண்டு எஞ்சினிலும் 5 வேக மேனுவல் கியர்பாக்ஸ் இடம்பெற்றுள்ளது.
S7, S11 ஆகிய வேரியன்டில் 2.2 லிட்டர் எம் ஹாக் எஞ்சின் 140 ஹெச்பி ஆற்றல் மற்றும் 320 என்எம் டார்க் ஆகியவற்றை வெளிப்படுத்துகின்றது. இந்த இரண்டு எஞ்சினிலும் 6 வேக மேனுவல் கியர்பாக்ஸ் இடம்பெற்றுள்ளது. 2 வீல் டிரைவ் மற்றும் ஆல் வீல் டிரைவ் என இரண்டிலும் கிடைக்க உள்ளது.
| எஞ்சின் | பவர் | டார்க் | கியர்பாக்ஸ் |
| 2,523cc m2DICR | 75hp | 200Nm | 5 வேக மேனுவல் |
| 2.2-litre mHawk | 120hp | 280Nm | 5 வேக மேனுவல் |
| 2.2-litre mHawk | 140hp | 320Nm | 6 வேக மேனுவல் |
அனைத்து வேரியன்டிலும் முன்பக்க இரட்டை காற்றுப்பைகள், ஏபிஎஸ், இபிடி, ஸ்பீட் அலர்ட் , அனைத்து கதவுகளிலும் ஆட்டோ டோர் லாக் மெக்கானிஷம் மற்றும் டிஜிட்டல் எஞ்சின் இம்மொபைல்சர் உட்பட பல்வேறு அம்சங்களை கொண்டதாக கிடைக்கின்றது.
2017 மஹிந்திரா ஸ்கார்பியோ எஸ்.யூ.வி விலை பட்டியல்
மேம்படுத்தப்பட்ட ஃபேஸ்லிஃப்ட் மஹிந்திரா ஸ்கார்பியோ எஸ்யூவி ஆரம்ப விலை ரூ.9.94 லட்சம் விலையில் அமைந்துள்ளது. சென்னை எக்ஸ்- ஷோரூம் முழுமையான விலை பட்டியல் பின் வருமாறு ;-
| வேரியன்ட் | எக்ஸ்-ஷோரூம் சென்னை |
| Scorpio S3 2.5 L Manual 2WD | ரூ. 9,94,470 |
| Scorpio S5 2.2 L 120 HP 2WD | ரூ. 11,78,029 |
| Scorpio S7 2.2 L 120 HP 2WD | ரூ. 12,77,145 |
| Scorpio S7 2.2 L 140 HP 2WD | ரூ. 13,07,145 |
| Scorpio S11 2.2 L 140 HP 2WD | ரூ. 14,97,642 |
| Scorpio S11 2.2 L 140 HP 4WD | ரூ. 16,23,114 |
