மாருதி எர்டிகா காரின் டூர் M டாக்சி வேரியன்ட் விபரம் வெளியானது

மாருதி எர்டிகா

மாருதி சுசுகியின் எர்டிகா எம்பிவி காரின் அடிப்படையிலான டூர் எம் வேரியன்ட் கேப் மற்றும் வர்த்தகரீதியான பயன்பாட்டிற்கு என ரூபாய் 8 லட்சம் விலையில் விற்பனைக்கு அறிமுகம் செய்யப்படலாம்.

புதிய தலைமுறை எர்டிகா காரின் வரவிற்கு பிறகு விற்பனையில் சிறந்த விளங்கும் இந்த காரினை வர்த்தகரீதியான பயன்பாட்டிற்கு என டூர் எம் வேரியன்ட் மாடலை முதன்மையான மாருதி நிறுவனம் வெளியிட்டுள்ளது.

மாருதி எர்டிகா டூர் M வேரியன்ட்

பிரலபலமான செடான் ரக காராக விளங்கும் டிசையர் மாடலில் டூர் எஸ் விற்பனை செய்யப்பட்டு வரும் நிலையில் எர்டிகா எம்பிவி ரக காரில் டூர் எம் விற்பனைக்கு 1.5 லிட்டர் பெட்ரோல் என்ஜின் பெற்றதாக வந்துள்ளது.

லிட்டருக்கு 18.18 கிமீ மைலேஜ் தரக்கூடியதாக ஆராய் சான்றளிக்கப்பட்ட 1.5 லிட்டர் பெட்ரோல் என்ஜின் அதிகபட்சமாக 105hp பவர் மற்றும் 138Nm டார்க் வழங்குகின்றது. இந்த என்ஜினில் 5 வேக கியர்பாக்ஸ் உள்ளது. விற்பனையில் உள்ள எர்டிகா VXi வேரியன்டினை பின்பற்றி வந்துள்ள டூர் எம் காரில் முன் மற்றும் பின் கதவுகளுக்கு பவர் விண்டோஸ், சென்ட்ரல் லாக்கிங், எலக்ட்ரிக் முறையில் இயங்கும் ORVMs, இரு காற்றுப்பை, ரியர் பார்க்கிங் சென்சார் மற்றும் 80 கிமீ வேகம் வரை மட்டும் இயக்கும் வகையில் ஸ்பீடு லிமிட் அம்சம் வழங்கப்பட்டுள்ளது.

இன்டிரியரில் ஆடியோ சிஸ்டம் வழங்கப்பட்டு எம்பி3, யூஎஸ்பி மற்றும் ப்ளூடூத் போன்றவை இணைக்கப்பட்டு, அடுத்தப்படியாக ஸ்டீயரிங் வீலில் ஆடியோ கட்டுப்பாடு பொத்தான் வழங்கப்பட்டுள்ளது.

மாருதி சுசுகி எர்டிகா டூர் எம் வேரியன்ட் விலை ரூ.8 லட்சம் என நிர்ணயம் செய்யப்படலாம்.