ரெனோ டஸ்ட்டர் டர்போ பெட்ரோல் அறிமுக விபரம்

ஆட்டோ எக்ஸ்போ 2020

ரெனோ நிறுவனத்தின் பிரசத்தி பெற்ற மாடல்களில் ஒன்றான டஸ்ட்டர் எஸ்யூவி காரில் கூடுதலாக 1.3 லிட்டர் டர்போ பெட்ரோல் என்ஜின் பெற்றதாக விற்பனைக்கு இந்த மாத இறுதியில் அறிமுகம் செய்யப்பட உள்ளது.

தற்போது விற்பனையில் கிடைத்து வருகின்ற பிஎஸ்6 இன்ஜின் பெற்ற 1.5 லிட்டர் பெட்ரோல் என்ஜின் அதிகபட்சமாக 106 ஹெச்பி பவர் வெளிப்படுத்தி வருகின்றது. இந்த மாடலில் மேனுவல் கியர்பாக்ஸ் வழங்கப்பட்டுள்ளது.

புதிதாக வரவுள்ள பிஎஸ்6 மாசு உமிழ்வு விதிகளுக்கு ஏற்ப தயாரிக்கப்பட்டுள்ள புதிய 1.3 லிட்டர் டர்போ பெட்ரோல் என்ஜின் அதிகபட்சமாக 156 ஹெச்பி பவர் மற்றும் 250 என்எம் டார்க் வழங்கும் என தெரிவிக்கப்பட்டுள்ளது. இதில் 6 வேக மேனுவல் மற்றும் சிவிடி கியர்பாக்ஸ் இடம்பெற்றிருக்கும்.

2018 ஆம் ஆண்டு வெளியிடப்பட்ட புதிய 1.3 லிட்டர் டர்போ பெட்ரோல் பல்வேறு நாடுகளில் ரெனால்ட் மற்றும் நிசான் கார்களில் விற்பனை செய்யப்பட்டு வருகின்றது.

டஸ்ட்டர் டாப் வேரியண்ட் RXZ-ல் 17 அங்குல அலாய் வீல், எஞ்சின் ஸ்டார்ட்-ஸ்டாப், ரிமோட் வழியாக கேபின் ப்ரீ-கூலிங் ஃபங்க்ஷன் மற்றும் ஆட்டோ ஏசி கட்டுப்பாட்டும் அடங்கும். இது க்ரூஸ் கட்டுப்பாடு, ஏபிஎஸ் உடன் இரட்டை முன் ஏர்பேக்குகள், ஹில்-ஸ்டார்ட் அசிஸ்ட் மற்றும் 8 அங்குல இன்ஃபோடெயின்மென்ட் திரை ஆகியவற்றை பெற உள்ளது.

இந்தியாவில் விற்பனை செய்யப்படுகின்ற ஹூண்டாய் கிரெட்டா, கியா செல்டோஸ், உள்ளிட்ட மாடல்களுடன் நிசான் கிக்ஸ் போன்றவற்றை எதிர்கொள்ளுகின்ற டஸ்ட்டர் எஸ்யூவி கடும் சவாலினை ஏற்படுத்தும்.