டிசம்பரில் அறிமுகம் செய்யப்பட உள்ள புதிய டாடா அல்ட்ரோஸ் செடான் காரின் டீசரை டாடா மோட்டார்ஸ் நிறுவனம் வெளியிட்டுள்ளது. முன்பாக, தனது இணையதளத்தில் பல்வேறு முறை டீசர்களை வெளியிட்ட வந்த நிலையில் தற்போது விற்பனைக்கு வெளியிடுவதற்கான டீசரை வெளியிட்டுள்ளது.
ஆட்டோ எக்ஸ்போ 2018 கண்காட்சி அரங்கில் 45 எக்ஸ் கான்செப்ட் என்ற மாடலாக முதலில் காட்சிப்படுத்தப்பட்டது. 2019 ஜெனீவா மோட்டார் ஷோவில் அல்ட்ரோஸ் பிரீமியம் ஹேட்ச்பேக்கின் உற்பத்திக்கு மிக நெருக்கமானதான மாடலை காட்சிப்படுத்தியது. தற்போது முழுமையான உற்பத்தி நிலையை எட்டியுள்ள மாடல் சோதனை செய்யப்பட்டு வருகின்றது.
ஜெனீவாவில் காட்சிப்படுத்தப்பட்ட மாடல் 3,988 மிமீ நீளம், 1,754 மிமீ அகலம் மற்றும் 1,505 மிமீ உயரம் கொண்டது. இதன் வீல்பேஸ் 2,501 மிமீ கொண்டிருந்தது. மேலும், 341 லிட்டர் கொள்ளளவு கொண்ட பூட் ஸ்பேஸ் உடன் எதிர்பார்க்கலாம்.
வடிவமைப்பு மொழியான இம்பேக்ட் டிசைன் 2.0 அடிப்படையில் உருவாக்கப்பட்டுள்ள இரண்டாவது மாடலாக அல்ட்ரோஸ் விளங்குகின்றது. இந்த காரில் டாடாவின் பாரம்பரிய கிரில் அமைப்புடன் மிக நேர்த்தியான தோற்ற பொலிவு இளைய தலைமுறையினருக்கு ஏற்றதாக அமைந்துள்ளது.
டாடா ஆல்ஃபா பிளாட்பாரத்தில் (Tata’s ALFA architecture) வடிவமைக்கப்பட்டிருக்கின்ற இந்த பிளாட்ஃபாரம் பெட்ரோல், டீசல் மற்றும் எலக்ட்ரிக் கார்களுக்கு ஏற்றதாகவும், செடான் , எஸ்யூவி போன்ற மாற்று ரக மாடல்களையும் உருவாக்க இயலும். இந்த காரில் 1.2 லிட்டர் பெட்ரோல், 1.2 லிட்டர் டர்போ பெட்ரோல் மற்றும் 1.5 லிட்டர் டர்போ டீசல் என விற்பனைக்கு வரவுள்ளது.
டாடாவின் அல்ட்ரோஸ் காருக்கு போட்டியாக மாருதி பலேனோ, டொயோட்டா கிளான்ஸா, ஹூண்டாய் ஐ20 மற்றும் ஹோண்டா ஜாஸ் போன்ற கார்கள் விளங்கும்.
