ஹோண்டா டூ வீலர் நிறுவனத்தின் ட்ரீம் யுகா பைக்கில் புதிய இரட்டை வண்ண கலவையில் புதிய வண்ணத்தை சேர்த்துள்ளது விலையில் எந்த மாற்றங்களும் இல்லை. ஹோண்டா ட்ரீம் யுகா விலை ரூ. 60,776 ஆகும்.
லிட்டருக்கு 74 கிமீ தரவல்ல ஹெச்இடி ( HET – Honda Eco Technology) நுட்பத்தினை கொண்டுள்ள 8.25 bhp ஆற்றலை வெளிப்படுத்தும் 110சிசி என்ஜின் பொருத்தப்பட்டுள்ளது. இதன் இழுவைதிறன் 8.63 Nm ஆகும். இதில் 4 வேக கியர்பாக்ஸ் பொருத்தப்பட்டுள்ளது.
புதிதாக சேர்க்கப்பட்டுள்ள பூளூ வித் அதெலட்டிக் பூளூ மெட்டாலிக் வண்ணத்துடன் சேர்த்து கருப்பு , சிவப்பு , வெள்ளை , கருப்பு கலந்த ரெட் மெட்டாலிக் மற்றும் கருப்பு கலந்த கிரே மெட்டாலிக் என மொத்தம் 6 நிறங்களில் ட்ரீம் யுகா பைக் விற்பனைக்கு கிடைக்கின்றது.
முன்பக்கத்தில் டெலிஸ்கோபிக் ஃபோர்க்குகள் , பின்பக்கத்தில் ஸ்பீரிங் லோடேட் ஹைட்ராலிக் மற்றும் இரு டயர்களிலும் 130மிமீ டிரம் பிரேக்கினை பெற்றுள்ளது. டியூப்லெஸ் டயர் , பராமரிப்பு இல்லாத பேட்டரி போன்வற்றை பெற்றுள்ளது. விலையில் எவ்விதமான மாற்றங்களும் இல்லாமல் புதிய வண்ணம் கிடைக்கும்.
ஹோண்டா ட்ரீம் யுகா விலை ரூ. 60,776 ( சென்னை ஆன்ரோடு விலை )