110 சிசி சந்தையில் கிடைக்கின்ற ஆக்டிவா மாடலின் பிஎஸ் 6 மாசு உமிழ்வுக்கு ஏற்ற ஹோண்டா ஆக்டிவா 6ஜி ஸ்கூட்டர் ஆரம்ப விலை ரூ .63,912 தொடங்குவதுடன், டீலக்ஸ் டாப் வேரியண்ட் ரூ .65,412 (எக்ஸ்-ஷோரூம், டெல்லி) என நிர்ணையிக்கப்பட்டுள்ளது. முன்பாகவே இந்நிறுவனத்தின் ஆக்டிவாவின் 125சிசி மாடல் கிடைத்து வருகின்றது.
பிஎஸ் 6 மாசு உமிழ்வுக்கு இணக்கமான எஸ்பி 125 மற்றும் ஆக்டிவா 125 மாடல்களில் இடம்பெற்ற ஹோண்டாவின் esp (Enhanced Smart Power) நுட்பத்தின் மூலம் சிறப்பான முறையில் மேம்படுத்தப்பட்ட என்ஜினை பெற்றுள்ளது. இந்த நுட்பம் PGM-FI, குறைந்த உராய்வு மற்றும் ACG ஸ்டார்டர் என மூன்று அம்சங்களை உள்ளடக்கியதாக ஆக்டிவா 6G மாடலும் வரவுள்ளது.
முழுமையான எல்இடி ஹெட்லைட் மற்றும் எல்இடி டெயில் லைட் போன்றவற்றுடன் தோற்ற அமைப்பில் சிறிய அளவிலான மாற்றங்களை பெறுவதுடன், அனலாக் முறையிலான கிளஸ்ட்டரை பெற்றுள்ளது.
ஆக்டிவா 5ஜி மாடலை விட 6ஜி ஸ்கூட்டரின் நீளம் உயரம் மற்றும் அகலம் அதிகரிக்கப்பட்டிருக்கின்றது. குறிப்பாக இந்த ஸ்கூட்டரின் வீல்பேஸ் முந்தைய மாடலை விட 22 மிமீ வரை அதிகரிக்கப்பட்டு 1260 மிமீ வரை உயர்த்தப்பட்டுள்ளது.
| மாடல் | ஹோண்டா Activa 6G | ஹோண்டா Activa 5G |
| நீளம் | 1,833 mm | 1,761 mm |
| அகலம் | 697 mm | 710 mm |
| உயரம் | 1,156 mm | 1,158 mm |
| வீல்பேஸ் | 1,260 mm | 1,238 mm |
ஹோண்டாவின் ஆக்டிவா 125 மற்றும் எஸ்பி 125 என இரு மாடல்களும் பிஎஸ்6 முறையில் 60,000க்கு அதிகமான வாகனங்களை விநியோகம் செய்துள்ளது. விற்பனையில் கிடைத்த பிஎஸ்4 மாடலை விட ரூ.7,500 வரை விலை அதிகரிக்கப்பட்டுள்ளது.