புதிய நிறத்தில் ஜாவா 350 பைக் அறிமுகம் எப்பொழுது ?

ஜாவா நிறுவனம் மேம்படுத்தப்பட்ட 2024 ஆம் ஆண்டிற்கான ஜாவா 350 பைக்கினை வெளியிட்டிருந்த நிலையில் கூடுதலாக புதிய நீல நிறத்தை மஹிந்திரா ப்ளூஸ் நிகழ்ச்சியில் காட்சிப்படுத்தியுள்ளது.

சமீபத்தில் வந்த ஜாவா 350 ஆனது மரூன், பிளாக் மற்றும் ஆரஞ்ச் என மூன்று நிறங்களுடன் விற்பனைக்கு வெளியானது. இந்த புதிய நிறம் அடுத்த சில வாரங்களுக்குள் விற்பனைக்கு எதிர்பார்க்கப்படுகின்றது.

புதிதாக காட்சிப்படுத்தப்பட்டுள்ள பைக்கில் மூன்று விதமான வண்ண கலவையை கொண்டு குரோம் பூச்சூ மற்றும் நீல நிறத்துடன் கூடுதலாக கோல்டன் பின்ஸ்ட்ரிப்கள் பெற்று மோட்டார் சைக்கிளுக்கு கூடுதல் கவர்ச்சியை ஜாவா ரசிகர்களுக்கு வழங்குகின்றது.

ஜாவா 350 முக்கிய அம்சங்கள்:

• 334cc லிக்விட் கூல்டு என்ஜின்
• 22.57 ps பவர் மற்றும் 28.1 Nm டார்க்
• 6 வேக கியர்பாக்ஸ் உடன் அசிஸ்ட் மற்றும் சிலிப்பர் கிளட்ச்
• டெலிஸ்கோபிக் ஃபோர்க் மற்றும் பின்புறத்தில் ட்வீன் அப்சார்பர்
• இருபக்க டயர்களிலும் டிஸ்க் பிரேக் உடன் ஏபிஎஸ்
• 100/90 -18 அங்குல ஸ்போக் வீல் மற்றும் பின்புறத்தில் 130/80-17 அங்குல டயர் உள்ளது.

2024 Jawa 350 பைக்கின் விலை ₹ 2,14,950 (எக்ஸ்ஷோரூம்)

புதிய நிறம் குறித்த அறிமுக தகவலை தற்பொழுது ஜாவா உறுதிப்படுத்தவில்லை. ஆனால் ரசிகர்கள் விரும்பும் வகையில் அமைந்துள்ளதால் விரைவில் போட்டியாளர்களான ராயல் என்ஃபீல்டு கிளாசிக் 350, ஹோண்டா CB350 பைக்குகளை எதிர்கொள்ள உள்ளது.