வருகின்ற மார்ச் 16ந் தேதி ஹோண்டாவின் புதிய க்ராஸ்ஓவர் ரக WR-V கார் விற்பனைக்கு வரலாம் என எதிர்பார்க்கப்படுகின்றது. ஜாஸ் காரின் அடிப்படையிலான டபிள்யூஆர்-வி மாடலில் பெட்ரோல் மற்றும் டீசல் எஞ்சின் ஆப்ஷனில் கிடைக்கும்.
WR-V கார்
புள்யூஆர்-வி மாடல் மிக நேர்த்தியான ஸ்டைலிங் அம்சங்களை பெற்றதாக க்ராஸ்ஓவர் மற்றும் காம்பேக்ட் ரக தொடக்கநிலை எஸ்யூவி மாடல்களுக்கு போட்டியாக விளங்கும் வகையில் வடிவமைக்கப்பட்டுள்ளது. WR-V என்றால் ‘Winsome Runabout Vehicle’ என்பது விளக்கமாகும்.
பிஆர்-வி காரில் உள்ளதை போன்ற ஹோண்டாவின் மிக அகலமான க்ரோம் பட்டைக்கு மத்தியில் அமைந்துள்ள ஹோண்டாவின் லோகோ , முகப்பு விளக்கில் கருப்பு இன்ஷர்ட் , வட்ட வடிவ பனி விளக்கு போன்றவற்றை பெற்றுள்ளது. பக்கவாட்டில் உயரமான வீல் ஆர்ச் , பாடி கிளாடிங் , நேர்த்தியான அலாய் வீலை கொண்டுள்ளது.
பின்புறத்தில் வித்தியாசமான அமைப்பினை வெளிப்படுத்தும் வகையில் டெயில்கேட் விளக்குகளுக்கு கீழாக பின்புற பம்பருக்கு மேலாக நம்பர் பிளேட் அமைந்துள்ளது.
ஹோண்டா WR-V எஞ்சின்
இதில் 1.2 லிட்டர் i-VTEC பெட்ரோல் இன்ஜின் ஆப்ஷனுடன் 5 வேக மேனுவல் மற்றும் சிவிடி கியர்பாக்ஸ் மற்றும் 1.5 லிட்டர் i-DTEC டீசல் இன்ஜின் ஆப்ஷனில் 6 வேக மேனுவல் கியர்பாக்ஸ் பெற்றிருக்கும்.
ஃபியட் அர்பன் க்ராஸ், ஹூண்டாய் ஐ20 ஏக்டிவ் , டொயோட்டா எட்டியோஸ் க்ராஸ் போன்றவைகளுக்கு சவலாக விளங்க உள்ள டபிள்யூஆர் வி கார் மார்ச் 16ந் தேதி விற்பனைக்குவரவுள்ளது.
[foogallery id=”16161″]