பிரசத்தி பெற்ற அல்ட்ராஸ் காரில் iCNG என்ற பெயரில் அழுத்தப்பட்ட இயற்கை எரிவாயு கொண்டு இயங்கும் மாடல் அறிமுகம் செய்யப்பட்டுள்ளது. முன்பதிவு தொகை ரூ.21,000 கட்டணமாக வசூலிக்கப்படும் நிலையில் மே மாதத்தில் டெலிவரியை துவங்கவுள்ளது.
XE, XM+, XZ மற்றும் XZ+ வேரியண்ட்களில் அல்ட்ராஸ் சிஎன்ஜி பெற்றுள்ளது. டாப் வேரியண்டில் 7.0-இன்ச் தொடுதிரை, டிஜிட்டல் டிஸ்ப்ளே, ஆண்ட்ராய்டு ஆட்டோ மற்றும் ஆப்பிள் கார்ப்ளே வசதியுடன், சன்ரூஃப், 16-இன்ச் அலாய் வீல். , இன்ஜின் ஸ்டார்ட்/ஸ்டாப் பட்டன், ஆட்டோமேட்டிக் ஏசி கட்டுப்பாடு, உயரத்தை சரிசெய்யக்கூடிய ஓட்டுநர் இருக்கை, லெதரெட் இருக்கை, பின்புற ஏசி வென்ட் ஆகியவற்றை கொண்டுள்ளது.
6 ஏர்பேக்குகள், EBD உடன் ABS மற்றும் ஸ்டெபிளிட்டி கட்டுப்பாடு போன்ற பாதுகாப்பு அம்சங்களையும் பெறுகிறது.
1.2-லிட்டர், மூன்று சிலிண்டர் என்ஜின் பெட்ரோல் பயன்முறையில், 86hp மற்றும் 113Nm டார்க் வெளியிடுகிறது. CNG பயன்முறையில் 77hp மற்றும் 97Nm டார்க் வெளிப்படுத்தும். இதில் 5-ஸ்பீடு மேனுவல் கியர்பாக்ஸுடன் இணைக்கப்பட்டுள்ளது.
இரட்டை சிலிண்டர் தொழில்நுட்பம் கொண்ட 60 லிட்டர் (ஒவ்வொரு சிலிண்டருக்கும் 30லி) மொத்த சிஎன்ஜி கொள்ளளவை கொண்டுள்ளது. மேலும் இந்த சிலிண்டர் பெரிய பூட் இடத்தை உறுதி செய்வதற்காக லக்கேஜ் பகுதிக்கு கீழே உள்ளது.
