ஸ்போர்ட்டிவ் பைக் தயாரிப்பாளரான கேடிஎம் விற்பனையில் உள்ள 390 அட்வென்ச்சர் மாடலின் அடிப்படையில் ரூ.58,000 குறைவான விலையில் ₹ 2.80 லட்சத்தில் 390 அட்வென்ச்சர் X என்ற வேரியண்ட்டை விற்பனைக்கு கொண்டு வந்துள்ளது.
விலையை குறைப்பதற்காக இந்த மாடலில் டிராக்ஷன் கண்ட்ரோல், க்விக் ஷிஃப்டர் மற்றும் கார்னரிங் ஏபிஎஸ் போன்ற வசதிகளை நீக்கியுள்ளது. மற்றபடி பெரும்பாலான வசதிகள் தொடர்ந்து இடம்பெற்றுள்ளது.
2023 KTM 390 Adventure X
கேடிஎம் 390 அட்வென்ச்சர் எக்ஸ் பைக்கில் தொடர்ந்து 373.2cc லிக்யூடு-கூல்டு ஒற்றை சிலிண்டர் என்ஜின் கொடுக்கப்பட்டு 43.5 hp குதிரைத்திறன் மற்றும் 37 Nm டார்க் வழங்குகின்றது. இந்த என்ஜினில் 6-ஸ்பீடு டிரான்ஸ்மிஷனுடன் வந்துள்ளது.
குறிப்பாக விற்பனையில் உள்ள மாடலை விட குறைந்த விலைக்கு கொண்டு வரும் நோக்கில், டிராக்ஷன் கண்ட்ரோல், க்விக் ஷிஃப்டர் மற்றும் கார்னரிங் ஏபிஎஸ் போன்ற வசதிகள் நீக்கப்பட்டாலும் டூயல் சேனல் ஏபிஎஸ் இடம்பெற்றுள்ளது.
மற்ற அம்சங்களில், 19-இன்ச் முன்புற அலாய் வீல் மற்றும் 17-இன்ச் பின்புற அலாய் வீல், முன்புறத்தில் WP அபெக்ஸ் 43 மிமீ அப்சைடு டவுன் ஃபோர்க் மற்றும் பின்புறத்தில் WP அபெக்ஸ் மோனோ-ஷாக் ஆனது 10 ஸ்டெப் முறையில் ரைடருக்கு ஏற்ப சரிசெய்யக்கூடியதாக விளங்குகின்றது.
கேடிஎம் புளூடூத் ஆதரவினை வழங்கும் கலர்-டிஎஃப்டி டிஸ்ப்ளேவை வைத்திருக்கிறதா அல்லது குறைந்த விலைக்கு எல்சிடி டிஸ்ப்ளே மூலம் அதை மாற்றியிருக்கின்றதா என்பது உறுதி செய்யப்படவில்லை.
2023 கேடிஎம் 390 அட்வென்ச்சர் X அறிமுக விலை ரூ.2.80 லட்சம் (எக்ஸ்-ஷோரூம், டெல்லி). மற்றும் கேடிஎம் 390 அட்வென்ச்சர் விலை ரூ.3.38 லட்சம் ஆகும்.
இந்திய சந்தையில், கேடிஎம் 390 அட்வென்ச்சர் பைக்கிற்கு போட்டியாக யெஸ்டி அட்வென்ச்சர், பிஎம்டபிள்யூ G 310 GS மற்றும் ராயல் என்ஃபீல்டு ஹிமாலயன் ஆகியவை உள்ளன.
