ஹோண்டாவின் முதல் காம்பேக்ட் ரக எஸ்யூவி மாடலான பிஆர்-வி எஸ்யூவி கார் ஒரளவு சிறப்பான தொடக்க வரவேற்பினை பெற்று 9000 முன்பதிவுகளை பெற்று காத்திருப்பு காலம் 2 மாதம் வரை நீண்டுள்ளது.
க்ரெட்டா மாடலுக்கு நேரடியான போட்டி மாடலாக அறிமுகம் செய்யப்பட்டுள்ள பிஆர்வி எஸ்யூவி காரில் 7 இருக்கைகளுடன் 1.5 லிட்டர் பெட்ரோல் மற்றும் டீசல் என்ஜின் ஆப்ஷன்களை பெற்று விளங்குகின்றது.
அமேஸ் , பிரியோ மொபிலியோ போன்ற கார்கள் உருவாக்கப்பட்ட அதே தளத்தில் BR-V எஸ்யூவி காரும் வடிவமைக்கப்பட்டுள்ளது. மிக கம்பீரமான ஸ்ட்டைலிசான தோற்றத்தில் காட்சியளிக்கின்றது.
1.5 லிட்டர் பெட்ரோல் மற்றும் டீசல் என்ஜின் ஆப்ஷனை பெற்றுள்ளது. 119 hp ஆற்றல் மற்றும் 145 Nm டார்க் வழங்கும் 1.5 லிட்டர் பெட்ரோல் மற்றும் 100 hp மற்றும் 200 Nm டார்க் வழங்கும் 1.5 லிட்டர் டீசல் போன்றவற்றை பெற்றிருக்கும். இதில் டீசல் மற்றும் பெட்ரோல் மாடலில் 6 வேக மெனுவல் மற்றும் 6 வேக சிவிடி கியர்பாக்சினை பெட்ரோல் மாடலில் கொண்டுள்ளது.
ஹோண்டா பிஆர்-வி டீசல் கார் மைலேஜ் லிட்டருக்கு 21.9 கிமீ ஆகும். பெட்ரோல் மெனுவல் மைலேஜ் லிட்டருக்கு 15.4கிமீ மற்றும் ஆட்டோமேட்டிக் 16 கிமீ ஆகும்.