2.23 லட்சம் கார்களை திரும்ப அழைக்கும் ஹோண்டா

ஹோண்டா நிறுவனம் காற்றுப்பை இன்ஃபிளேட்டர் பிரச்சனை காரணமாக உலகம் முழுதும் வாகனங்களை திரும்ப அழைத்துள்ளது. அவற்றில் இந்தியாவில் மட்டும் 2, 23, 578 கார்களை திரும்ப அழைக்கின்றது.
சிஆர்-வி
சிஆர்-வி

2004 முதல் 2012 வரை விற்பனை செய்யப்பபட்ட சிஆர்-வி , சிட்டி , சிவிக் மற்றும் ஜாஸ் போன்ற மாடல்களை திரும்ப அழைக்க உள்ளது. இவற்றில் ஓட்டுநர் பக்க காற்றுப்பை மற்றும் பயணிகள் பக்க காற்றுப்பை போன்றவற்றில் மாற்றி தரப்பட உள்ளது.

திரும்ப அழைக்கும் விபரம்

  • மிக அதிகமாக பாதிக்கப்பட்டத்து ஹோண்டா சிட்டி கார்கள் தான் . இவற்றில் 2007 முதல்  2012 வரை விற்பனை செய்யப்பட்ட 1,40,508 கார்கள் பாதிக்கப்பட்டுள்ளது.
  • ஹோண்டா சிவிக் காரில் 2003 முதல் 2012 வரை விற்பனை செய்யப்பட்ட 54,290 கார்கள் பாதிக்கப்பட்டுள்ளது.
  • ஜாஸ் கார்களில் 2009 முதல் 2011 வரை விற்பனை செய்யப்பட்ட 15,707 கார்கள் பாதிப்படைந்துள்ளது.
  • 2004 முதல் 2011 வரை விற்பனை செய்யப்பட்ட ஹோண்டா சிஆர்-வி எஸ்யூவி கார்களில் பாதிக்கப்பட்ட எண்ணிக்கை 13,073 கார்கள் ஆகும்.
உங்கள் ஹோண்டா காரும் பாதிக்கப்பட்டுள்ளதா என்பதனை அறிந்துகொள்ள ஹோண்டாவின் இணையதளத்தில் (www.hondacarindia.com) திறக்கப்பட்டுள்ள பிரத்யேக பக்கத்தில் உங்கள் வண்டின் வின் நம்பரை (VIN- Vehicle Identification Number ) கொண்டு சோதித்து தெரிந்துகொள்ளலாம். மேலும் ஹோண்டா நிறுவனமும் உங்களை தொடர்பு கொள்ளும். வரும் அக்டோபர் 12ந் தேதி முதல் சர்வீஸ் கேம்ப் தொடங்க உள்ளது.

Honda recalls 2.23 lakh cars due to airbag inflator issue

Exit mobile version