48 வருட வரலாற்றை கொண்டாடும் ரேஞ்ச் ரோவர் எஸ்யூவி – வீடியோ

உலக பிரசத்தி பெற்ற லேண்ட்ரோவர் நிறுவனத்தின் ரேஞ்ச் ரோவர் எஸ்யூவி காரின் 48 வருட வராலாற்றை அறியும் வகையிலான 2 நிமிட வீடியோ பகிர்வினை ஜாகுவார் லேண்ட்ரோவர் வெளியிட்டுள்ளது.

இங்கிலாந்தை தலைமையிடமாக கொண்டு டாடா குழுமத்தின் அங்கமாக செயல்படும் லேண்ட்ரோவர் நிறுவனத்தின் ரேஞ்ச் ரோவர் எஸ்யூவி முதல்முறையாக 1969 ஆம் ஆண்டு ப்ரோடோடைப் வடிவத்தை பெற்றது. 170க்கு மேற்பட்ட நாடுகளில் விற்பனை செய்யப்படுகின்ற ரேஞ்ச் ரோவர் 10 லட்சம் வாகனங்களை கடந்துவிற்பனை செய்யப்பட்டு வருகின்றது.

ரேஞ்ச் ரோவர் எஸ்யூவி வரலாறு

1969 – முதன்முறையாக ரேஞ்ச் ரோவர் எஸ்யூவி மாடலுக்கான ப்ரோடோடைப் வேல்ர் (Velar) என்ற பெயரில் உருவாக தொடங்கியது.

1970 – ரேஞ்ச்ரோவர் கிளாசிக் முன்முறையாக இரு கதவுகளுடன் உற்பத்தி நிலை மாடலாக விற்பனைக்கு வெளியிடப்பட்டது.

1973 – ரேஞ்ச்ரோவர் கிளாசிக் காரின் (Suffix C) மாடல் அறிமுகம் செய்யப்பட்டது.

1981 – ரேஞ்ச்ரோவர் கிளாசிக் (4 door ) 4 கதவுகளை கொண்ட மாடலாக விற்பனைக்கு வந்தது. முதன்முறையாக இதே ஆண்டில் In Vogue என்ற பெயரில் சிறப்பு வரையறுக்கப்பட்ட பதிப்பு வெளிவந்தது.

1982 – முதன்முறையாக ஆட்டோமேட்டிக் கியர்பாக்ஸ் இடம்பெற்றது.

1989 – உலகில் முதன்முறையாக ஏபிஎஸ் பிரேக் ஆப்ஷனை பெற்ற மாடலாக ரேஞ்ச்ரோவர் மாறியது.

1994 – இரண்டாம் தலைமுறை ரோஞ்ச்ரோவர் (P38a) எஸ்யூவி புதிய வடிவ தாத்பரியங்களுடன் பல்வேறு வசதிகளை கொண்ட மாடலாகவும் அறிமுகம் செய்யப்பட்டது.

2001 – மூன்றாம் தலைமுறை ரோஞ்ச்ரோவர் எஸ்யூவி அறிமுகம்

2002 –  500,000 கார்களை உற்பத்தி இலக்கினை எட்டியது

2012 – நான்காம் தலைமுறை ரோஞ்ச்ரோவர் எஸ்யூவி முதன்முறையாக அலுமினிய உலோக கட்டமைப்பில் உருவாகியது. மேலும் உலகின் முதலாவது அலுமினிய உலோகத்தால் கட்டமைக்கப்பட்ட மாடல் என்ற பெருமையும் பெற்றது.

2014 – ரோஞ்ச்ரோவர் எஸ்யூவி லாங் வீல்பேஸ் அறிமுகம்

2015 – ரேஞ்ச்ரோவர் SVAutobiography மாடல் அறிமுகம்

2016 – ரேஞ்ச்ரோவர் SVAutobiography டைனமிக் அறிமுகம்

இதுகுறித்து லேண்ட்ரோவர் வெளியிட்ட வீடியோ பகிர்வு