ஸ்டெல்லானைட்ஸ் குழுமத்தின் கீழ் செயல்படுகின்ற ஜீப் நிறுவனம் இந்தியாவில் தனது எட்டாவது ஆண்டு கொண்டாட்டத்தை முன்னிட்டு காம்பஸ் எஸ்யூவி மாடலுக்கு அதிகபட்சமாக ரூபாய் 2.50 லட்சம் வரை சலுகைகளை அறிவித்துள்ளது.
அதே நேரத்தில் தனது மற்றொரு மாடலான மெரீடியன் எஸ்யூவி காருக்கு அதிகபட்சமாக ரூபாய் 2 லட்சம் வரை சலுகை அறிவித்துள்ளது. கூடுதலாக இந்நிறுவனம் இந்திய சந்தையில் விற்பனை செய்து வருகின்ற ஜீப் ரேங்கலர் மற்றும் கிராண்ட் செரோக்கீ மாடல்களுக்கும் சிறப்பு சலுகைகளை அறிவித்துள்ளது.
மேலும் பராமரிப்பு சர்வீஸ் தொடர்பான சேவைகளில் லேபர் சார்ஜஸ் உள்ளிட்டவைகளுக்கு 22 சதவீதம் சலுகை அறிவித்துள்ளது. கூடுதலாக கார் பராமரிப்பு தொடர்பான சர்வீஸ் சேவைகளில் 7.8% சலுகை அறிவிக்கப்பட்டுள்ளது. சர்வீஸ் தொடர்பான சலுகைகள் ஆகஸ்ட் 17 வரை மட்டுமே கிடைக்கும் என நிறுவனம் குறிப்பிட்டு இருக்கின்றது.
குறிப்பிடப்பட்டுள்ள சலுகை மற்றும் பல்வேறு விபரங்கள் டீலர்களை பொருத்த மேலதிக விபரங்களுக்கு அருகாமையில் உள்ள டீலர்களை தொடர்பு கொள்ளுங்கள்