கடந்த 2010ம் ஆண்டு பார்வைக்கு வந்த மஹிந்திரா மோஜோ பைக் தற்பொழுது விற்பனைக்கு வந்துள்ளது. முதற்கட்டமாக டெல்லி , மும்பை , பெங்களூரு மற்றும் புனே நகரங்களில் மட்டுமே விற்பனை செய்யப்பட உள்ளது.
இரட்டை பிரிவு முகப்பு விளக்குடன் , கண் இமை போன்ற எல்இடி விளக்குகளை பெற்று சிறப்பான முகப்புடன் விளங்குகின்றது. பைரேலி டிபோலோ ரோஸா II டயர்கள் மிக சிறப்பான கிரிபினை தரவல்லதாகும்.
இரட்டை புகைப்போக்கிகளை கொண்டுள்ள சிறப்பான இருக்கை அமைப்பினை பெற்றுள்ள யூஎஸ்டி ஃபோர்க்குகளை கொண்டுள்ளது. வெள்ளை , கருப்பு மற்றும் சிவப்பு என மூன்று விதமான வண்ணங்களில் வந்துள்ளது.
27பிஎச்பி ஆற்றலை வெளிப்படுத்தும் 4 ஸ்ட்ரோக் ஒற்றை சிலிண்டர் பெட்ரோல் என்ஜின் பொருத்தப்பட்டுள்ளது. இதன் டார்க் 30என்எம் ஆகும். இதில் 6 வேக கியர்பாக்ஸ் பொருத்தப்பட்டுள்ளது.
மஹிந்திரா மோஜோ பைக்கின் உச்சகட்ட வேகம் மணிக்கு 165கிமீ ஆகும். இதன் சராசரி மைலேஜ் லிட்டருக்கு 32கிமீ கிடைக்கலாம்.
மோஜோ பைக்கின் முன்பக்கத்தில் 320மிமீ டிஸ்க் பிரேக்கும் , பின்பக்கத்தில் 240மிமீ டிஸ்க்கும் பயன்படுத்தியுள்ளனர். ஏபிஎஸ் பிரேக் இல்லை.
சென்னை , கோல்கத்தா , ஹைத்திராபாத் போன்ற நகரங்களில் மோஜோ பைக் அடுத்த வருடம் விற்பனைக்கு வரவுள்ளது. கேடிஎம் டியூக் 200 , ராயல் என்ஃபீல்டு தண்டர்பேர்டு 500 மற்றும் பெனெல்லி டிஎன்டி 25 போன்ற பைக்குகளுக்கு சவாலாக மஹிந்திரா மோஜோ விளங்கும்.
மஹிந்திரா மோஜோ பைக் விலை ரூ.1.58 லட்சம் ( எக்ஸ்ஷோரூம் டெல்லி )
Mahindra Mojo bike launched in India