ஏத்தர் நிறுவனத்தின் ரிஸ்டா மற்றும் 450 ஸ்கூட்டர்களை விட குறைந்த விலையில் எதிர்பார்க்கப்படுகின்ற கோனார்க் மின்சார ஸ்கூட்டரை புதிய EL பிளாட்ஃபார்த்தில் தயாரிக்கப்பட்டு வருவதனால் விலை ரூ.1 லட்சம் முதல் ரூ.1.20 லட்சத்துக்குள் அமையலாம் என எதிர்பார்க்கப்படுகின்றது.
முன்பாக காட்சிப்படுத்தப்பட்ட EL கான்செப்ட் நிலைக்கு இணையாக தயாரிக்கப்பட உள்ள கோனார்க்கின் தொழில்நுட்ப வசதிகளைப் பொறுத்தவரை, புதிய ஸ்விங்ஆர்ம்-மவுண்டட் மோட்டார் சிஸ்டம் பயன்படுத்தப்பட்டுள்ளது. இது ஸ்கூட்டரைப் பழுதுபார்ப்பதையும் பராமரிப்பதையும் எளிதாக்குவதுடன் நீண்ட சேவை இடைவெளிகளையும் உறுதி செய்கிறது. மேலும் ஹேண்டில்பாரில் பொருத்தப்பட்ட முகப்பு எல்இடி விளக்கு, முன் அப்ரானில் அமைந்த அகலமான எல்இடி விளக்குகள் மற்றும் முற்றிலும் புதிய டிஜிட்டல் இன்ஸ்ட்ரூமென்ட் கிளஸ்டர் ஆகியவை இடம் பெறக்கூடும்.
முன்புறம் 14-இன்ச் பெரிய சக்கரமும் பின்புறம் 12-இன்ச் சக்கரமும் இடம்பெற்று பாதுகாப்பிற்காக முன்பக்கம் டிஸ்க் பிரேக்கும் பின்புறம் டிரம் பிரேக்கும் கொடுக்கப்பட்டுள்ளன. இருவர் வசதியாக அமர்ந்து செல்லும் வகையில் நீண்ட இருக்கையும் விசாலமான லெக்ரூம் இடவசதியும் இதில் வடிவமைக்கப்பட்டு சந்தையில் உள்ள டிவிஎஸ் ஐக்யூப், விடா VX2 மற்றும் பஜாஜ் சேத்தக் ஆகிய பிரபல மாடல்களுக்கு இந்த ஏத்தர் கோனார்க் மிகக் கடுமையான போட்டியைக் கொடுக்கும்.
வரும் ஆகஸ்ட் 29 ஆம் தேதி ஏத்தரின் சமூக தினத்தில் முழுமையான நுட்ப விபரங்கள் மற்றும் விலை வெளியாகும்.
