இந்திய சந்தையில் 2023 ஆம் ஆண்டில் புதிய மோட்டார் சைக்கிள் மற்றும் ஸ்கூட்டர் மாடல்கள் அறிமுகம் செய்யப்பட்டுள்ள நிலையில், பல்வேறு ஃபேஸ்லிஃப்ட் மாடல்களும் கூடுதல் வசதி பெற்ற பைக்குகளும் சந்தைக்கு வந்துள்ளன.
குறிப்பாக 350-500சிசி பிரிவில் மிகப்பெரிய வரவாக புதிய புல்லட் 350, ஹிமாலயன் 450, ஹார்லி-டேவிட்சன் X440, டிவிஎஸ் அப்பாச்சி RTR 310, டிரையம்ப் ஸ்பீடு 400, ஸ்கிராம்பளர் 400 X, ஏப்ரிலியா RS457, புதிய கேடிஎம் 390 டியூக், புதிய ஹோண்டா சிபி 350 மற்றும் யமஹா R3, MT-03 ஆகியவற்றுடன் கரீஸ்மா XMR கூடுதலாக ஸ்கூட்டர் பிரிவில் ஜூம் 110, ஆக்டிவா ஸ்மார்ட் கீ, டியோ 125, உட்பட பல்வேறு மாடல்கள் வந்துள்ளன.
மேலும் படிக்க – 2023ல் வந்த எலக்ட்ரிக் பைக் மற்றும் ஸ்கூட்டர் விபரம்
RE Bullet 350
ராயல் என்ஃபீல்டு மோட்டார்சைக்கிள் நிறுவனத்தின் மிகவும் பழமையான மோட்டார்சைக்கிளை புதுப்பிக்கப்பட்டு வந்துள்ள புல்லட் 350 பைக்கில் 20hp பவர் மற்றும் 27Nm டார்க் வெளிப்படுத்துவதுடன் 5 வேக மேனுவல் கியர்பாக்ஸ் ஆனது கொண்டிருக்கின்றது.
RE Himalayan 450
புதிய செர்பா 452 என்ஜினை பெற்று வந்துள்ள ஹிமாலயன் 450 பைக்கில் 452cc ஒற்றை சிலிண்டர் 4 வால்வுகளுடன் கூடிய DOHC லிக்யூடு கூல்டு என்ஜின் ஆனது அதிகபட்சமாக 8,000 rpm-ல் 40 bhp பவர் மற்றும் 5,000 rpm-ல் 40 Nm டார்க் வெளிப்படுத்துகின்றது. இந்த மாடலில் 6 வேக கியர்பாக்ஸ் உடன் சிலிப்பர் மற்றும் அசிஸ்ட் கிளட்ச் இடம்பெற்றுள்ளது.
Harley-Davidson X440
ஹீரோ மோட்டோகார்ப் மற்றும் ஹார்லி-டேவிட்சன் கூட்டணியில் உருவான முதல் மாடலான X440 பைக்கில் ஏர்-ஆயில் கூல்டு என்ஜின் 6000 rpm-ல் 27 bhp பவர் மற்றும் 38 Nm at 4000rpm டார்க் வழங்கும். இதில் 6 வேக கியர்பாக்ஸ் கொண்டுள்ளது.
TVS Apache RTR 310
டிவிஎஸ் மற்றும் பிஎம்டபிள்யூ கூட்டணியில் உருவான 313சிசி என்ஜின் பெற்று வந்துள்ள ஸ்போர்ட்டிவ் ஸ்டைல் பெற்ற நேக்டூ RTR 310 பைக்கில் 312.12cc என்ஜின் ஸ்போர்ட், சூப்பர் மோட்டோ மற்றும் டிராக் மோடில் 9,700 rpm-ல் 35.6 bhp பவர் மற்றும் 6,650 rpm-ல் 28.7 Nm டார்க் வழங்குகின்றது. அர்பன், ரெயின் மோடில் 7,500 rpm-ல் 27.1 bhp பவர் மற்றும் 6,600 rpm-ல் 27.3 Nm டார்க் வழங்குகின்றது. இதில் 6 வேக கியர்பாக்ஸ் பொருத்தப்பட்டு சிலிப்பர் கிளட்ச் அசிஸ்ட் பொருத்தப்பட்டிருக்கின்றது.
Triumph Speed 400/Scrambler 400X
பஜாஜ் மற்றும் டிரையம்ப் கூட்டணியில் உருவான முதல் பைக் மாடலான ஸ்பீடு 400 மற்றும் ஸ்கிராம்பளர் 400 X என இரு பைக்கிலும் பொதுவாக 398.15cc DOHC சிங்கிள் சிலிண்டர், லிக்யூடு கூல்டு என்ஜின் 8,000 rpm-ல் 40 hp பவரையும், 6,500 rpm-ல் 37.5 Nm டார்க். இதில் 6 வேக கியர்பாக்ஸ் உள்ளது.
Aprilia RS 457
இந்தியாவில் தயாரிக்கப்பட்டு பல்வேறு நாடுகளுக்கு ஏற்றுமதி செய்யப்படுகின்ற ஏப்ரிலியா RS457 பைக்கில் பேரலல் ட்வீன் சிலிண்டர் என்ஜின் பெற்று இரட்டை கேம்ஷாஃப்ட் டைமிங் கொண்டு ஒவ்வொரு சிலிண்டருக்கு நான்கு வால்வுகளை பெற்று அதிகபட்சமாக 47 hp பவர் வெளிப்படுத்துகின்றது.
Yamaha R3/MT03
இந்தியாவில் மீண்டும் விற்பனைக்கு முழுமையாக வடிவமைக்கப்பட்ட மாடலாக யமஹா R3 மற்றும் MT03 என இரண்டும் ஒரே என்ஜினை பகிர்ந்து கொள்ளுகின்றது. 321cc பேரலல் ட்வின், லிக்விட் கூல்டு என்ஜின் வெளிப்படுத்தக்கூடிய 10.750 rpm-ல் அதிகபட்ச குதிரைத்திறன் 40.4 bhp, மற்றும் 9.000 rpm-ல் 29.4 Nm டார்க் வெளிப்படுத்துகின்றது. இந்த பைக்கில் 6 வேக கியர்பாக்ஸ் உள்ளது.
Hero Karizma XMR 210
மீண்டும் ஹீரோ மோட்டோகார்ப் நிறுவனம் கரீஸ்மா XMR 210 விற்பனைக்கு வெளியிடப்பட்டுள்ளது. 210cc லிக்யூடு கூல்டு என்ஜின் DOHC (Double Overhead Camshaft) அமைப்பினை பெற்று 9250rpm-ல் 25.5 hp பவர் மற்றும் 7,250rpm-ல் 20.5 Nm டார்க் வெளிப்படுத்தலாம். இந்த மாடலில் 6 வேக கியர்பாக்ஸ் உடன் சிலிப்பர் அசிஸ்ட் கிளட்ச் பொருத்தப்பட்டுள்ளது.
Hero Xoom 110
ஹீரோ மோட்டோகார்ப் நிறுவனத்தின் புதிய ஜூம் 110 ஸ்கூட்டர் துவக்கநிலை ஸ்போர்ட்டிவ் மாடலாக அமோக வரவேற்பினை தந்துள்ளது. 7250 ஆர்பிஎம்மில் 8 பிஎச்பி பவர், 5750 ஆர்பிஎம்மில் 8.7 என்எம் டார்க் வெளிப்படுத்தும். இந்த ஸ்கூட்டர் i3s இன்ஜின் ஸ்டார்ட்/ஸ்டாப் செயல்பாடு மற்றும் USB சார்ஜிங் போர்ட் ஆகியவற்றையும் பெறுகிறது.
Honda SP160
ஹோண்டாவின் எஸ்பி125 மாடலின் அடிப்படையில் தயாரிக்கப்பட்டுள்ள SP160 பைக்கில் 162.71cc என்ஜின் அதிகபட்சமாக 7,500rpm-ல் 13.5 hp பவர், 14.6 NM டார்க் ஆனது 5500rpm-ல் வழங்குகின்றது. இதில் 5 வேக கியர்பாக்ஸ் கொடுக்கபட்டுள்ளது.
Hero Xtreme 160R 4V
ஹீரோ மோட்டோகார்ப் நிறுவனத்தின் எக்ஸ்ட்ரீம் 160R 4V ஆனது 160சிசி சந்தையில் மிக வேகமான மாடலாக வந்துள்ள நிலையில், பல்வேறு சிறப்புகளை பெற்று 163.2cc ஏர்-ஆயில் கூல்டூ என்ஜின் அதிகபட்சமாக 8500rpm-ல் 16.9 hp பவர் மற்றும் 6500rpm-ல் 14.5 Nm டார்க் வெளிப்படுத்துகிறது. இதில் 5 வேக கியர்பாக்ஸ் உள்ளது.
Bajaj Pulsar N150
பஜாஜ் ஆட்டோ பல்சர் வரிசையில் N160 பைக்கின் ஸ்போர்ட்டிவ் ஸ்டைலிங் நேரடியாக பகிர்ந்து கொள்ளுகின்ற புதிய பல்சர் N150 பைக்கில் 150cc என்ஜின் பொருத்தப்பட்டு அதிகபட்சமாக 14.5hp பவர் மற்றும் 13.5Nm டார்க் வெளிப்படுத்தும் இதில் 5 ஸ்பீட் கியர்பாக்ஸ் பெறுகிறது.
பஜாஜ் பல்சர் என்150 பைக் விலை ரூ.1.18 லட்சம் (எக்ஸ்ஷோரூம்) ஆகும்.
Honda Activa Smart Key
துவக்க நிலை சந்தையில் முதன்மையான மாடலாக உள்ள ஹோண்டா ஆக்டிவா ஸ்கூட்டரில் பெரிய அளவில் டிசைன் மேம்பாடுகள் இல்லையென்றாலும் கூடுதலாக இடம்பெற்ற ஸ்மார்ட் கீ பெற்று ரீமோட் மூலம் ஆன் செய்யும் வசதி வழங்கப்பட்டுள்ளது.
