புதிதாக அறிமுகம் செய்யப்பட்டுள்ள ஹோண்டா நிறுவனத்தின் யூனிகார்ன் 160 பைக்கின் விலை ₹ 1,08,400 ஆக நிர்ணயம் செய்யப்பட்டுள்ளது. இந்தியாவில் நடைமுறைக்கு வந்துள்ள பிஎஸ்6 இரண்டாம் கட்ட நடைமுறைக்கு இணங்க விற்பனைக்கு அறிமுகம் செய்யப்பட்டுள்ளது.
முந்தைய மாடலை விட ரூ.600 வரை விலை தமிழ்நாட்டில் குறைக்கப்பட்டுள்ள நிலையில் டெல்லி உட்பட பல்வேறு நகரங்களில் ரூ.4,500 வரை விலை உயர்வை யூனிகார்ன் சந்தித்துள்ளது.
ஹோண்டா தனது மாடல்களில் பெரிய அளவிலான மேம்பாடினை வழங்கவில்லை. குறிப்பாக முன்பை விட கூடுதலாக நீல நிறம் மட்டுமே சேர்க்கப்பட்டுள்ளது. மற்றபடி, கிரே மெட்டாலிக் ,ரெட் மெட்டாலிக் மற்றும் கருப்பு நிறங்களில் கிடைக்கின்றது.
இப்பொழுது இந்த என்ஜின் OBD2 மற்றும் E20 எரிபொருளுக்கு ஏற்றதாக HET (Honda Eco Technology) நுட்பத்தினை பெற்று 162.71cc என்ஜின் அதிகபட்சமாக 7,500rpm-ல் 12.73 bhp பவர், 14 NM டார்க் ஆனது 5500rpm-ல் வழங்குகின்றது. இதில் 5 வேக கியர்பாக்ஸ் கொடுக்கபட்டுள்ளது.
இருக்கை நீளம் 715 மிமீ மற்றும் 13 லிட்டர் எரிபொருள் கொள்ளளவு பெற்று, 140 கிலோ எடை கொண்டது. முன்பக்கத்தில் 240 மிமீ டிஸ்க் மற்றும் பின்புறத்தில் 130 மிமீ டிரம் பெற்றுள்ளது யூனிகார்ன் ஒற்றை சேனல் ஏபிஎஸ் கொண்டதாக மட்டும் வருகிறது.
டைமன்ட் டைப் ஃபிரேம் கொண்டுள்ள யூனிகார்னில் டெலிஸ்கோபிக் ஃபோர்க் மற்றும் பின்புறத்தில் மோனோஷாக் சஸ்பென்ஷனை பெற்றுள்ள மாடலின் நீளம் 2081 மிமீ, அகலம் 756 மிமீ மற்றும் உயரம் 1103 மிமீ கொண்டுள்ளது. இதன் வீல்பேஸ் 1335 மிமீ பெற்று 187 மிமீ கிரவுண்ட் கிளியரண்ஸ் பெற்றதாக உள்ளது.
பொதுவாக தற்பொழுது விற்பனைக்கு வருகின்ற மாடல்களில் டிஜிட்டல் கிளஸ்ட்டர் பெற்று வரும் நிலையில், யூனிகார்ன் 160 பைக்கில் அனலாக் கிளஸ்ட்டர் மட்டும் வழங்கப்பட்டு வருகின்றது.
டீயூப்லெஸ் டயர் கொண்டுள்ள யூனிகார்ன் 160 பைக்கில் முன்புறத்தில் 80/100-18 M/C47P மற்றும் பின்புறத்தில் 100/90-18 M/C56P டயர் உள்ளது.
2023 ஹோண்டா யூனிகார்ன் 160 பைக் விலை ₹ 1,29,940 (on-Road Price in TamilNadu)
யூனிகார்ன் பைக்கில் உள்ள 162.71cc என்ஜின் அதிகபட்சமாக 7,500rpm-ல் 12.73 bhp பவர், 14 NM டார்க் ஆனது 5500rpm-ல் வழங்குகின்றது.
புதிய யூனிகார்ன் 160 பைக்கின் மைலேஜ் சராரியாக 50Kmpl ஆகும்.
யூனிகார்ன் 160 பைக்கிற்கு நேரடியான போட்டியாளர்கள் இல்லையென்றாலும் 160சிசி சந்தையில் உள்ள அனைத்தையும் எதிர்கொள்ளுகின்றது.
