CB200X என்ற பெயரில் விற்பனை செய்யப்பட்டு வந்த மாடல் புதுப்பிக்கப்பட்ட சில மாற்றங்களுடன் OBD-2B ஆதரவுடன் ஹோண்டா NX200 என்ற பெயரில் ரூ.1,68,499 (எக்ஸ்-ஷோரூம்) விலையில் அறிமுகம் செய்யப்பட்டுள்ளது.
2025 Honda NX200
NX500 பைக்கிலிருந்து பெறப்பட்ட டிசைன் உந்துதலில் வடிவமைக்கப்பட்டுள்ள நெடுஞ்சாலைக்கு ஏற்ற அட்வென்ச்சர் டூரிங் மாடலாக வந்துள்ள புதிய என்எக்ஸ் 200 பைக்கில் தொடர்ந்து OBD-2B ஆதரவுடன் 184.4cc ஒற்றை சிலிண்டர் ஏர் கூல்டு 8500 RPMல் 16.76hp பவர் மற்றும் 6000 RPM-ல் 15.7Nm டார்க் வெளிப்படுத்துகின்றது. இதில் 5 வேக கியர்பாக்ஸ் உடன் தற்பொழுது சிஸ்ட் சிலிப்பர் கிளட்ச் இடம்பெற்றுள்ளது.
கோல்டு நிறத்தை கொண்டுள்ள புதிய அப்சைடு டவுன் ஃபோர்க் பெற்றுள்ள இந்த மாடலில் முன்புறத்தில் 276mm டிஸ்க் உடன் பின்புறத்தில் மோனோஷாக் அப்சார்பருடன் பின்புறத்தில் 220mm டிஸ்க் பிரேக் கொடுக்கப்பட்டு டூயல் சேனல் ஏபிஎஸ் பிரேக் இணைக்கப்பட்டுள்ளது.
17 அங்குல அலாய் வீல் பெற்று முன்புறத்தில் 110/70 டயர் மற்றும் பின்புறத்தில் அகலமான 140/70 டயர் கொடுக்கப்பட்டுள்ளது. பின்புற வீலில் சாலைகளுக்கு ஏற்ற டிராக்ஷன் வெளிப்படுத்தும் வகையிலான ஹோண்டா செலக்டபிள் டார்க் கன்ட்ரோல் (HSTC) கொண்டுள்ளது.
புளூடூத் ஆதரவுடன் கூடிய ஹோண்டாவின் ரோட்சிங்க் ஆப் முறைக்கு ஏற்ற 4.2 இன்ச் TFT கிளஸ்ட்டருடன் டரன் பை டரன் நேவிகேஷன், அழைப்பு மற்றும் SMS அறிவிப்புகள் பெறவும் அனுமதிக்கிறது. கூடுதலாக புதிய USB C-வகை சார்ஜிங் போர்ட் உள்ளது.
அத்லெடிக் ப்ளூ மெட்டாலிக், ரேடியன்ட் ரெட் மெட்டாலிக் மற்றும் பேர்ல் இக்னியஸ் பிளாக் என மூன்று நிறங்களை பெறுகின்ற ஹோண்டா NX200 மாடல் இப்போது இந்தியா முழுவதும் உள்ள அனைத்து HMSI ரெட் விங் மற்றும் பிக்விங் டீலர்ஷிப்களிலும் கிடைக்கிறது.