ரூ.10,000 வரை உயர்த்தப்பட்டுள்ள பெனெல்லி இம்பீரியல் 400 பைக்கில் மற்றபடி எந்த மாற்றங்களும் இல்லை. முன்பாக அறிமுக விலை என வெளியிடப்பட்ட நிலையில் தற்போது விலை உயர்த்தப்பட்டு ரூ.1.79 லட்சம் என நிர்ணையிக்கப்பட்டுள்ளது. கருப்பு நிறத்தை பெற்ற மாடல் விலை ரூ.1.89 லட்சம் ஆகும்.
இம்பீரியல் 400 மாடலில் 373.5 சிசி ஒற்றை சிலிண்டர் SOHC என்ஜினை பெற்றிருக்கின்றது. இந்த என்ஜின் 19 பிஹெச்பி அதிகபட்ச சக்தியையும் 28 என்எம் டார்க்கையும் வழங்குகின்றது. 5 வேக கியர்பாக்ஸுடன் இணைக்கப்பட்டுள்ளது. இம்பீரியல் 400 பைக்கின் முன்புறத்தில் டெலிஸ்கோபிக் ஃபோர்க்ஸ் மற்றும் பின்புறத்தில் இரட்டை ஷாக் அப்சார்பரினை பெற்று வருகிறது. இரட்டை சேனல் ஏபிஎஸ் பொருத்தப்பட்ட இரு டயர்களிலும் டிஸ்க் பிரேக்கினை பெற்றுள்ளது.
சிவப்பு, கருப்பு மற்றும் சில்வர் என மூன்று நிறங்களில் வரவுள்ள இந்த மாடலில் முன்புறத்தில் வட்ட வடிவ ஹெட்லைட், வட்ட வடிவத்திலான இன்டிகேட்டர், க்ரோம் பூச்சு பெற்ற ஃபென்டர், ஸ்போக்டூ வீல் உட்பட ட்வீன் பாட் கொண்ட இண்ஸ்ட்ரூமென்ட் கிளஸ்ட்டரை பெற உள்ளது.
இந்த பைக்கிற்கு போட்டியாக ராயல் என்ஃபீல்டு கிளாசிக் 350 மற்றும் ஜாவா போன்றவை போட்டியாக விளங்குகின்றது.