ஹோண்டா மோட்டார் சைக்கிள் & ஸ்கூட்டர் இந்தியா (HMSI) நிறுவனத்தின் ஹைனெஸ் CB350 மற்றும் CB350 RS என இரண்டு பைக்குகளில் உதிரிபாகத்தில் ஏற்பட்டுள்ள குறைபாட்டினை நீக்குவதற்காக திரும்ப அழைப்பதாக அறிவித்துள்ளது.
அக்டோபர் 2020 மற்றும் ஜனவரி 2023க்கு இடையில் தயாரிக்கப்பட்ட வாகனங்களில் பாதிக்கப்பட்ட முற்றிலும் இலவசமாக பாகத்தை மாற்றித் தர முன்வந்துள்ளது.
Honda H’ness CB350, CB350 RS
இரண்டு பைக் மாடல்களில் ஸ்டாப் லைட் சுவிட்சின் ரப்பர் பாகங்களில் ஏற்படுகின்ற விரிசல் காரணமாக இந்த ரப்பர் பாகங்களை முற்றிலும் இலவசமாக நீக்கிதரப்பட உள்ளதாக குறிப்பிட்டுள்ளது.
அடுத்து, மற்றொரு பொருத்தமற்ற மோல்டிங் செயல்முறையின் காரணமாக சென்சார் பாடி சீல் செய்வதில் உள்ள தவறினால் ரப்பர் ஹோஸ் பகுதியில் உள்ள சிக்கலை தீர்க்க அழைக்கப்பட உள்ளது. இந்த பிரச்சனை அக்டோபர் 2020 மற்றும் டிசம்பர் 2021 வரை தயாரிக்கப்பட்ட சிபி 350 மற்றும் சிபி 350 ஆர்எஸ் வாகனங்களில் கண்டறியப்பட்டுள்ளது.
டிசம்பர் 2023 இரண்டாவது வாரத்தில் இருந்து இந்தியா முழுவதும் உள்ள பிக்விங் டீலர்ஷிப்களில் அடையாளம் காணப்பட்ட பழுதடைந்த பாகங்களை மாற்றுவதற்கு HMSI திட்டமிட்டுள்ளது.