ரூ.8.50 லட்சத்தில் எதிர்பார்க்கப்படுகின்ற பவர்ஃபுல்லான கேடிஎம் 790 டியூக் மிகவும் ஸ்டைலிஷான ஸ்போர்ட்டிவ் பைக் மாடலாக விளங்க உள்ளது. இந்தியாவில் முழுமையாக வடிவமைக்கப்பட்ட மாடலாக 790 டியூக் விற்பனைக்கு வெளியாக உள்ளது.
இந்நிறுவனத்தின் 1290 சூப்பர் டியூக் R பைக்கின் ரேசிங் டிஎன்ஏ -வில் இருந்து உருவாக்கப்பட்டுள்ள 790 மாடலில் பவர்ஃபுல்லான 105hp பவர் மற்றும் 86Nm டார்க் வழங்குகின்ற 799சிசி மெஷின் பெற்ற மாடலை , இந்திய சந்தையில் வெளியிட உள்ளது. இதில் PASC சிலிப் அசிஸ்ட் கிளட்ச் உதவியுடன் 6 வேக கியர் பாக்ஸ் இடம் பெற்றிருக்கின்றது.
WP நிறுவனத்தின் 43 மிமீ டவுன் சைடு ஃபோர்க் மற்றும் கேஸ் நிரப்பபட்ட மோனோஷாக் அப்சார்பரை கொண்டுள்ள, இந்த மாடலில் முன்புற டயருக்கு 300 மிமீ ட்வீன் டிஸ்க் பிரேக் ஆப்ஷன் மற்றும் பின்புற டயருக்கு 240 மிமீ டிஸ்க் பிரேக் பெற்றதாக விளங்கும். பாஸ் கார்னரிங் ஏபிஎஸ் சிஸ்டம், நான்கு விதமான ரைடிங் மோடு, கஸ்டமைஸ் டிராக் மோடு வழங்கப்பட்டுள்ளது.
தோற்ற அமைப்பில் , கேடிஎம் பாரம்பரிய பொலிவுடன் கூடிய எல்இடி ஹெட்லைட், இன்ஸ்ட்ரூமென்ட் கிளஸ்ட்டருடன் ப்ளூடூத் வாயிலாக மொபைல் போன் இணைப்பு என பல்வேறு அம்சங்களை கொண்டுள்ளது.
மெட்ரோ நகரங்களில் உள்ள டீலர்கள் வாயிலாக டியூக் 790 பைக் முதற்கட்டமாக வெளியிடப்பட உள்ளது. குறிப்பிட்ட எண்ணிக்கையில் மட்டும் விற்பனை செய்யப்பட வாய்ப்புள்ளது.