முற்றிலும் புதுப்பிக்கப்பட்ட மூன்றாம் தலைமுறை கேடிஎம் 390 டியூக் பைக்கின் 2024 ஆம் ஆண்டிற்கான மாடல் அறிமுகம் செய்யப்பட்டுள்ளது. முழுமையான நுட்பவிபரங்கள், என்ஜின் உட்பட அனைத்தும் வெளியாகியுள்ள நிலையில் விரைவில் விற்பனைக்கு எதிர்பார்க்கப்படுகின்றது.
முந்தைய மாடலை விட முற்றிலும் ஸ்போர்ட்டிவான பெட்ரோல் டேங்க் எக்ஸ்டென்ஷனை பெற்றதாக மிக ஸ்டைலிஷாகவும் அமைந்துள்ள 390 டியூக் பைக்கில் புதிய 399சிசி லிக்யூடு கூல்டு என்ஜின் இடம்பெற்றிருக்கின்றது.
புதிய 2024 கேடிஎம் 390 டியூக் பைக்கில் மிக நேர்த்தியான புதிய எல்இடி ரன்னிங் விளக்குடன் புதிய எல்இடி ஹெட்லைட் மற்றும் ஸ்டைலிஷான பெட்ரோல் டேங்க் எக்ஸ்டென்ஷன் கொண்டதாக அமைந்துள்ளது. புதிய ஸ்பிளிட் இருக்கை அமைப்புடன் வந்துள்ள பைக் முந்தைய 2023 மாடலை விட பெரியதாக தெரிகிறது.
399சிசி சிங்கிள்-சிலிண்டர் லிக்யூடு கூல்டு என்ஜின் அதிகபட்சமாக 44.25 bhp பவர் மற்றும் 39Nm டார்க் வெளிப்படுத்துகின்றது. இதில் ஆறு வேக கியர்பாக்ஸ் பெற்றதாக ஸ்லிப்பர் கிளட்ச் மற்றும் க்விக் ஷிஃப்டரும் உள்ளது.
390 டியூக்கிற்கு இன்னும் அதிகமான ரைடர் உதவிகளை சேர்த்துள்ளது. இது வெளியீட்டு கட்டுப்பாடு, மூன்று ரைடிங் முறைகள் (ஸ்டீரிட், ரெயின் மற்றும் டிராக்) மற்றும் அனைத்து அளவுருக்களையும் கண்காணிக்க ஐந்து அங்குல TFT திரையுடன் வருகிறது. ஸ்மார்ட்போன் இணைப்பு, டர்ன்-பை-டர்ன் நேவிகேஷன் மற்றும் அழைப்பு மற்றும் இசை கட்டுப்பாடு போன்ற பிற அம்சங்களும் கிடைக்கின்றன.
டியூக் பைக்கில் பவுடர்-கோடட் ஸ்டீல் ட்ரெல்லிஸ் ஃப்ரேமுடன் இணைந்து 43 மிமீ அப் சைடு டவுன் ஃபோர்க் ரீபௌண்ட் மற்றும் கம்ப்ரஷன் அட்ஜஸ்ட்டபிலிட்டியுடன் சஸ்பெண்ட் செய்யப்பட்டுள்ளது. பிரேக்கிங் அமைப்பில் 240mm பின்புற டிஸ்க் மற்றும் டூயல்-சேனல், கார்னரிங் மற்றும் சூப்பர்மோட்டோ ஏபிஎஸ் உடன் புதிய 320mm முன்புற டிஸ்க் உள்ளது. மிச்செலின் டயர்களில் சுற்றப்பட்ட 17 அங்குல அலாய் வீல் பொருத்தப்பட்டுள்ளன.
