ஓலா எலக்ட்ரிக் நிறுவனத்தின் S1X+ பேட்டரி ஸ்கூட்டரின் விலை ரூ.1,09,999 ஆக அறிவிக்கப்பட்டிருந்த நிலையில் ரூ.10,000 தள்ளுபடி வழங்கப்பட்டு வந்த நிலையில் இப்பொழுது ரூ.20,000 வரை விலை தள்ளுபடி அறிவிக்கப்பட்டுள்ளது.
20 ஆயிரம் ரூபாய் குறைக்கப்பட்டுள்ளதால் S1X+ விலை ரூ.89,999 ஆக டிசம்பர் 31, 2023 வரை கிடைக்கும் என தெரிவிக்கப்பட்டுள்ளது.
அறிமுகத்தின் போது ஆகஸ்ட் மாதம் குறிப்பிட்ட நாள் மட்டுமே சலுகை என அறிவிக்கப்பட்டு ரூ.10,000 தள்ளுபடி வழங்கியது, பிறகு நவம்பர் மாதம் பண்டிகை காலத்தை முன்னிட்டு தள்ளுபடி வழங்கப்பட்டது. ஆனால் இப்பொழுது மீண்டும் ரூ.20,000 தள்ளுபடியை ஓலா அறிவித்துள்ளது.
S1X+ வேரியண்டில் 3Kwh பேட்டரி பெற்ற வேரியண்ட் அதிகபட்சமாக 90 kmph வேகம் பெற்று சிங்கிள் சார்ஜில் 151 கிமீ பயணிக்கலாம். எனவே, நிகழ்நேரத்தில் அனேகமாக 120 கிமீ வரையிலான ரேஞ்சு கிடைக்கலாம். 0-40 கிமீ வேகத்தை எட்டுவதற்கு 3.3 வினாடிகள் எடுத்துக் கொள்ளும்.
டாப் வேரியண்டில் 5 அங்குல டிஜிட்டல் கிளஸ்ட்டர் வழங்கப்பட்டு கனெக்ட்டிவிட்டி சார்ந்த அம்சங்களை பெற்றதாக உள்ளது. மேலும் கீலெஸ் அன்லாக் உள்ளது.
ஆனால் இந்த ஸ்கூட்டரை விட குறைந்த திறன் மற்றும் ரேஞ்ச் பெற்ற மாடல் 91 km ரேஞ்ச் வெளிப்படுத்தும் S1X 2Kwh மற்றும் 151 Km ரேஞ்ச் வழங்கும் S1X 3Kwh வேரியண்டுகள் கூடுதல் விலையில் விற்பனை செய்யப்படுகின்றது.
Ola S1X 2 kwh – ₹ 89,999
Ola S1X 3kwh – ₹ 99,999
Ola S1X+ – 89,999
(டிசம்பர் 31 வரை எஸ்1 எக்ஸ்+ சலுகை கிடைக்கும்)
மேலும் படிக்க – ஓலா S1X vs போட்டியாளர்கள்
