பிரசத்தி பெற்ற ரோல் ராய்ஸ் நிறுவனத்தின் டான் கன்வெர்ட்டிபிள் கார் ரூ.6.25 கோடி விலையில் இந்தியாவில் விற்பனைக்கு அறிமுகம் செய்யப்பட்டுள்ளது. 4 இருக்கைகளை கொண்ட மிக ஆடம்பரமான சொகுசு காராக டான் விளங்குகின்றது.
டான் சொகுசு காரின் தோற்றம் ரயீத் போன்றே அமைந்திருந்தாலும் பல மாறுதல்களை பெற்றுள்ளது. குறிப்பாக காரின் முகப்பு விளக்கு எல்இடி அம்சங்களுடன் விளங்குகின்றது. முகப்பு விளக்கில் RR என ரோல்ஸ்ராய்ஸ் லோகோ எல்இடி கொண்டு மிக நேர்த்தியாக உருவாக்கியுள்ளனர்.
ஸ்ஃபாட் டாப் கூரையானது மிக இயல்பாக மடங்கி விரியும் வகையில் அமைந்துள்ளது. பக்கவாட்டில் உள்ள 21 இஞ்ச் பாலீஷ் வீல் மற்றும் 20 ” , 21இஞ்ச் என இரண்டு அளவுகளிலும் பெயின்ட் செய்யப்பட்ட வீல்கள் வாடிக்கையாளரின் விருப்பத்திற்கு ஏற்ப கிடைக்கும் லார்ஜர் தென் லைவ் ( larger than live )என அழைக்கப்படும் 16 ட்யூன்டு ஸ்பீக்கர்களை பொருத்தியுள்ளனர் . பூட்டில் இரண்டு பேஸ் ஸ்பீக்கர்களும் 7 ட்வீட்ர்கள் கேபினில் உள்ளது.
டான் என்ஜின்
563bhp ஆற்றலை வெளிப்படுத்தும் சக்திவாய்ந்த V12 சிலிண்டரை கொண்ட 6.6 லிட்டர் என்ஜின் பொருத்தப்பட்டுள்ளது. இதன் முறுக்கு விசை 780Nm ஆகும். ரயீத் காரில் உள்ளது போலவே ZF- 8 வேக கியர்பாக்ஸ் உள்ளது. இந்த கியர்பாக்ஸ் செயல்பாடானது ஜிபிஎஸ் உதவியுடன் சாலை ஸ்கேன் செய்து அதற்கேற்ப தானாகவே கியர்களை மாற்றி கொண்டு இயங்கும் தன்மை கொண்டதாகும்.
ரோல்ஸ் ராய்ஸ் டான் கார் உச்சகட்ட வேகம் மணிக்கு 250கிமீ ஆக கட்டுப்படுத்தப்பட்டுள்ளது . 0 முதல் 100கிமீ வேகத்தினை எட்டுவதற்க்கு வெறும் 4.9 விநாடிகள் மட்டுமே எடுத்து கொள்ளும்.
மணிக்கு 50 கிமீ வேகம் வரை பயணிக்கும் பொழுது சாஃப்ட் டாப் ரூஃப் திறந்தநிலையிலிருந்த மூடுவதற்கு 21 விநாடிகள் மட்டுமே எடுத்துக்கொள்ளும். மிக சிறப்பான சொகுசு வசதிகளை கொண்டுள்ள டான் கார் விலை ரூ.6.25 கோடி (எக்ஸ்ஷோரூம் டெல்லி)
ரோல்ஸ் ராய்ஸ் டான் கார் படங்கள்